«Nikoli takoha nie bačyŭ. Ludzi biehajuć, mitusiacca»: vidavočca raspavioŭ pra nadzvyčajnaje zdareńnie z «Łašarykam»
Nadzvyčajnaje zdareńnie z rasijskaj atamnaj hłybakavodnaj stancyjaj AS-12 adbyłosia 1 lipienia kala 21.00 la akvatoryi Barancavaha mora, na vychadzie z Kolskaj zatoki — zahinuli 14 čałaviek. Usie jany byli aficerami.
Severpost znajšoŭ rybakoŭ, jakija stali vidavočcami avaryjnaha ŭspłyvańnia padłodki.
«My ŭviečary išli ŭ bok Kildzina, i tut, niedzie ŭ 21.30, uspłyvaje padłodka. Prosta całkam uspłyvaje. Nikoli ŭ žyćci takoha nie bačyŭ. Na pałubie ludzi biehajuć, mitusiacca», — raspavioŭ rybak. Jaho łodka zajšła ŭ adnu sa šmatlikich bucht, adkul jon i jaho naparniki nazirali za zdareńniem.
Jany paviedamili, što amal adrazu da łodki padyšoŭ vajenny karabiel i dva buksiry.
«My ŭ vajakaŭ potym spytali, što heta było. Skazali: łodka ŭspłyła kala Ury, biez pryčyn, jaje potym u Kolskaje adciahnuli», — kaža śviedka.
Rybaki viaduć nielehalny promysieł, biez dazvołu i dakumientaŭ, tamu imionaŭ nazyvać nie stali. Ale paviedamili, što kala 23 hadziny łodka ŭ supravadžeńni buksiraŭ chutka syšła.
«Łodka išła chutka, my jašče z mužykami vyrašyli: značyć, nie avaryja. Raz svaim chodam i chutka idzie. Ni dymu nie było, ničoha. Potym nam skazali, što niechta bačyŭ, jak va Ury vyhružali cieły», — raspavioŭ rybak.
Krynica ŭ vajennych kołach paviedamiła, što łodka, jakuju bačyli rybaki — APŁ «Padmaskoŭje». Mienavita na jaje borcie była raźmieščana hłybakavodnaja stancyja AS-12, jakuju nazyvajuć «Łašaryk».
