Tramp paabiacaŭ u Dzień niezaležnaści ZŠA vyvieści tanki na vulicy Vašynhtona. Ale psavać asfalt jany nie buduć
Prezident ZŠA Donald Tramp paviedamiŭ, što ŭ Dzień niezaležnaści krainy 4 lipienia, na vulicach Vašynhtona budzie prademanstravana vajennaja technika, u tym liku i tanki. Pra heta paviedamlaje telekanał CNN.
«U nas budzie vydatnaje 4 lipienia ŭ Vašynhtonie. Takoha jašče nie było, jano budzie asablivaje … Ja źbirajusia prysutničać tam, i ja chaču skazać niekalki słoŭ: u nas buduć samaloty, najlepšyja ŭ śviecie źniščalniki i inšyja samaloty taksama. I ŭ nas budzie niekalki tankaŭ», — zajaviŭ haspadar Biełaha doma.
Jak paviedamiła CNN krynica ŭ Pientahonie, u demanstracyi mohuć być zadziejničany niekalki źniščalnikaŭ-bambardziroŭščykaŭ F-35.
«Z tankami davodzicca być vielmi aściarožnymi, tamu što daroham zvyčajna nie padabajecca, kali na ich ciažkija tanki. Tak što nam pryjdziecca pastavić ich u vyznačanych miescach. Ale ŭ nas jość najnoŭšyja tanki «Šerman» i najnoŭšyja tanki «Abrams», - adznačyŭ Tramp.
Pa dadzienych USA Today, techniku płanujecca raźmiaścić uzdoŭž Nacyjanalnaj alei ŭ Vašynhtonie, jakaja pralahaje ad budynka kanhresa da miemaryjała 16-mu prezidentu ZŠA Aŭraamu Linkalnu. Sioleta mierapryjemstva z nahody Dnia niezaležnaści ZŠA vyrašyli nazvać «Salut Amierycy» i pryśviacić amierykanskim vajskoŭcam.