Navalny znajšoŭ u lidara maskoŭskaj «Adzinaj Rasii» nieruchomaść na $90 miljonaŭ
Kiraŭnik «Adzinaj Rasii» ŭ Maskvie Andrej Miacielski i jaho siamja vałodajuć nieruchomaściu ahulnym koštam $90 miljonaŭ. Pra heta ŭ svaim rasśledavańni paviedamiŭ rasijski apazicyjanier Alaksiej Navalny.
Pavodle Navalnaha, siamja Miacielskaha z 2007 hoda kupiła čatyry haścinicy ŭ Aŭstryi, vydatkavaŭšy na ich nie mienš za 40 miljonaŭ jeŭra. Hateli zarehistravanyja na jaho maci Eldzibitu Miacielskuju. Kampanii siamji deputata taksama zajmajucca budaŭnictvam hatelnaha kompleksu niedaloka ad Pavialeckaha vakzała ŭ Maskvie i elitnaha žyłoha kompleksu ŭ Lafortava.
Va ŭłasnaści ŭ členaŭ siamji Miacielskaha, havorycca ŭ rasśledavańni, taksama jość niekalki elitnych kvater u Maskvie i dźvie dačy na Rubloŭcy.
Sam Miacielski zajaviŭ, što nie maje dačynieńnia da nieruchomaści, pra jakuju havorycca ŭ rasśledavańni, i što jaho maci-piensijanierka kupiła ich na zakonna zaroblenyja srodki.
