Na polskim učastku «Družby» ź Biełarusi zafiksavali novaje zabrudžvańnie nafty
Na ŭčastku trubapravoda «Družba», jaki idzie ź Biełarusi ŭ Polšču, było zafiksavana novaje zabrudžvańnie nafty chłorarhanikaj, paviedamili RBK ŭ «Transnafty».
Pieravyšeńnie normaŭ pa chłorarhanicy ŭ nafcie było vyjaŭlena paśla praviadzieńnia analizu na pryjomna-prapusknym punkcie «Adamava zastava», praź jaki jana pastupaje ŭ Polšču. Sproba, uziataja ŭ 15.00 19 červienia, pakazała pieravyšeńnie ŭ 60 ppm (čaścic na miljon).
Z-za hetaha ŭviečary 19 červienia prapampoŭka nafty pa ŭčastku trubapravoda, jaki kantraluje polski apieratar PERN, była prypynienaja.
Prapampoŭku znoŭ adnavili kala 8 ranicy 20 červienia, bo proba, uziataja a 18:00, pakazała ŭžo 4 ppm.
«Rašeńnie pa adnaŭleńni pryjomu było pryniata polskim bokam pa vynikach analizu abjadnanaj sutačnaj proby za 19 i 20 červienia», - rastłumačyli ŭ «Transnafcie».
