U Kijevie prajšła inaŭhuracyja Uładzimira Zialenskaha VIDEA
U Kijevie a 10-j pačałasia cyrymonija inaŭhuracyi šostaha prezidenta Ukrainy Uładzimira Zialenskaha.
Novaabrany prezident prymie prysiahu ŭkrainskamu narodu padčas uračystaha pasiadžeńnia Viarchoŭnaj Rady. Na cyrymoniju pryjeduć prezidenty piaci krain: Łatvii (Rajmands Viejonis), Litvy (Dala Hrybaŭskajcie), Estonii (Kierści Kaljułajd), Hruzii (Sałome Zurabišvili) i Vienhryi (Janaš Ader). Ad Biełarusi biare ŭdzieł vice-premjer Ihar Lašenka.
«Ja nie chaču, kab u vašych kabinietach byli maje partrety», — skazaŭ przezident Ukrainy Uładzimir Zialenski padčas vystupu ŭ Viarchoŭnaj Radzie.
«Ja nie ikona», — zajaviŭ jon. — Lepš pavieście ŭ siabie partrety svaich dziaciej i hladzicie im u vočy, kali prymajecie niejkija rašeńni».
Zialenski skazaŭ, što da hetaha času jaho zadačaj było rabić usio kab ukraincy ŭśmichalisia. «Nastupnyja piać hadoŭ ja pasprabuju rabić tak, kab ukraincy nie płakali», — dadaŭ jon.
Jon taksama prapanavaŭ padać u adstaŭku ŭradu Ukrainy i «vyzvalić miesca dla budučych pakaleńniaŭ».
Parłamientaryjaŭ Zialenski zaklikaŭ pryniać zakony ab źniaćci deputackaj niedatykalnaści i pra kryminalnuju adkaznaść za niezakonnaje ŭzbahačeńnie, a taksama zvolnić kiraŭnika SBU, hienprakurora i ministra abarony Ukrainy.
«I heta daloka nie ŭsio, što vy možacie zrabić. Ale dla pačatku dastatkova. U vas na heta 2 miesiacy. Zrabicie heta i pavieście miedali sabie. Niakiepskija bały na daterminovyja parłamienckija vybary. Ja raspuskaju Viarchoŭnuju Radu 8-ha sklikańnia. Słava Ukrainie!» — zajaviŭ Zialenski.
