Što takoje «piešaja rabota», padčas jakoj byŭ vykradzieny 22-hadovy daišnik? Tłumačyć milicyjanier
«Naša Niva» źviarnułasia da słužačaha z prośbaj patłumačyć, što takoje «piešaja rabota» inśpiektara DAI.
Toj kaža, što heta zaviedzienaja praktyka.
«Sens pracy daišnika na hetak zvanaj piešaj rabocie ŭ tym, što jon siadzić u dziažurnaj čaści biez mašyny i čakaje vyklika. Paśla vyklika na miesca DTZ jaho zadača — prybyć tudy i skłaści pratakoł.
Aŭtamabila ŭ jaho samoha niama, mašyny zadziejničany ŭ inšych miescach, a jamu treba tolki pravieści rabotu «na ziamli».
Tamu, jak praviła, jaho da miesca avaryi padvozić patrulny aŭtamabil. Abo niejki kaleha, nu jak atrymajecca. Jon tam raźbirajecca, a kali dakładvaje, što ŭsio zroblena, jaho znoŭ padbirajuć patrulniki.
Ale heta žyćcio, šmat što zaležyć i ad kamplektavanaści adździeła. Byvaje takoje, naprykład, što pryjazdžajuć svajaki paciarpiełych i viazuć inśpiektara na svajoj mašynie. Pa ŭnutranym statucie takoha być nie pavinna: a kali pryvatnaja mašyna sama trapić u DTZ? Kali ŭźniknie pahroza žyćciu inśpiektara?
Unutranyja dakumienty zabaraniajuć pry vykanańni siadać u pryvatnyja mašyny, tolki kali tam nie ździejśniena złačynstva», — patłumačyŭ milicyjant.