Pa ŭsioj Biełarusi harać lasy i tarfianiki, za sutki likvidavana 87 pažaraŭ. U Minsku z ranicy adčuvajecca mocny pach haru
Za minułyja 24 hadziny, z šostaj ranicy 24 krasavika pa šostuju ranicy 25 krasavika likvidavana 27 lasnych pažaraŭ płoščaj bolš za 110 ha, 7 tarfianych pažaraŭ na płoščy 2 ha i 53 pažary travy i kustoŭ na płoščy bolš za 26 ha, paviedamlaje 112.by
Dla likvidacyi pažaru ŭ Naraŭlanskim rajonie zadziejničany 29 adzinak techniki i 112 čałaviek. Pa stanie na šostuju ranicy 25 krasavika płošča pažaru składaje 40 ha.
Pažar kala punktu propusku Pryvałka Hrodzienskaha r-na (na miažy ź Litvoj) likvidavany. Dla jaho likvidacyi byli zadziejničanyja 70 adzinak techniki i 346 čałaviek. Ahulnaja płošča, projdzienaja frontam pažaru, skłała 30 ha.
Praciahvajecca tušeńnie pažaru ŭ Paleskim lashasie kala v. Almany Stolinskaha r-na.
Dla likvidacyi pažaru zadziejničany 42 adzinki techniki i 139 čałaviek. Viertalotami Mi-8 Avijacyi MNS za sutki ažyćcioŭleny 97 skidaŭ vady. Tušeńnie abciažarana adsutnaściu padjaznych šlachoŭ i zabałočanaj miascovaściu. Płošča pažaru składaje 200 hiektaraŭ
Z ranicy ŭ Minsku adčuvajecca mocny pach haru.
Pryčynaj pažaraŭ źjaŭlajecca suchoje nadvorje, jakoje ŭstalavałasia ŭ Biełarusi apošnija tydni. Tolki ŭ niadzielu ŭ šerahu rajonaŭ prajšli daždžy, ale nie paŭsiul.
U piaci rajonach Minskaj vobłaści ŭviedziena zabarona na naviedvańnie lasoŭ.
