«Hrodna — heta hodna». Tysiačy ludziej pabyvali na Dni Voli kala Kałožy VIDEA, FOTY
Karespandenty «Našaj Nivy» 4 hadziny pracavali na Śviacie Niezaležnaści. Šukajcie infarmacyju pra śviatkavańnie Dnia Voli — 2019 u našym anłajnie.
* * *
Centralny punkt: mitynh i kancert la Kałožy ŭ Hrodnie 23.03
U Biełarusi centram śviatkavańnia hetym razam stanie Horadnia — 100 hadoŭ tamu mienavita jana była stalicaj BNR i akurat tut byŭ adznačany pieršy Dzień Niezaležnaści.
23 sakavika ŭ Kałožskim parku adbudziecca vialiki kancert, akcyja ŭzhodnienaja z haradskimi ŭładami. Kampanija #BNR101, jakaja letaś ładziła mienskaje «Śviata Niezaležnaści» kala Opiernaha teatra, razhladaje jaho jak asnoŭnuju imprezu.
Anansavanyja vystupy Lavona Volskaha, Źmitra Vajciuškieviča, hurtoŭ Dzieciuki, «Daj darohu» i «Krama».
Kancertu budzie papiaredničać bohasłužeńnie ŭ Kałožy
Archijepiskap Hrodzienski i Vaŭkavyski Arciemij dabrasłaviŭ jaho praviadzieńnie. Jano raspačniecca a 12-j hadzinie, niepasredna pierad kancertam.
Paśla kancerta projdzie imša za Biełaruś u Farnym kaściole
Adnuknułasia na Dzień niezaležnaści i katalickaja hramada horada. Paśla śviatkavańnia Dnia Voli ŭ Kałožskim parku projdzie ŭračystaja imša ŭ Farnym kaściole Horadni. Nabaženstva pačniecca a 17.30.
Uračysty pryjom u Minsku
23 sakavika arhkamitet śviatkavańnia hadaviny BNR arhanizuje ŭračysty pryjom u «Prajm-chole» hatelu «Viktoryja». U honar histaryčnaj padziei daść kancert narodny ansambl «Tutejšaja šlachta». Zaprašeńni razasłanyja ad imia hanarovaha staršyni Arhkamiteta akademika Radzima Hareckaha i dziejnaha staršyni Mikoły Kupavy.
Publičnaja lekcyja ŭ parku imia Janki Kupały
Taksama 23 sakavika Biełaruskaja sacyjał-demakratyčnaja partyja «Hramada» zaprašaje ŭšanavać pamiać premjer-ministra BNR i aŭtara III Ustaŭnoj Hramaty Antona Łuckieviča. Letaś u skviery imia Janki Kupały ŭ Miensku byŭ pastaŭleny pamiatny znak u honar Antona i Ivana Łuckievičaŭ — na miescy damoŭ, jakija naležali ichnaj siamji. Ab 11-j historyk Anatol Sidarevič tam praviadzie publičnuju lekcyju pra ich.
Mitynh-kancert u Kijeŭskim skviery ŭ Minsku 24 sakavika
24 sakavika projdzie mitynh-kancert u Minsku — u Kijeŭskim skviery: zbor ad 12-j, pačatak kancertu a 13-j. Arhanizatarami — palityčnyja partyi. Dla hetaha abjadnalisia chryścijanskija demakraty, sacyjał-demakraty, libierały z Abjadnanaj hramadzianskaj partyi i libieralna-nacyjanalny Ruch za svabodu.
Zapłanavanyja vystupy hurtoŭ N.R.M., KaS, «Raźbitaje serca pacana», «Niachaj», «Vodar» i «Daj darohu».
«Škoła BNR» u kaviarni «Hraj» 24 sakavika
24 sakavika ŭ kaviarni «Hraj» (vuł. Internacyjanalnaja, 33) projdzie adukacyjna-kulturnaja impreza «Škoła BNR», prymierkavanaja da ŭhodkaŭ utvareńnia Biełaruskaj Narodnaj Respubliki.
Uvachod biaspłatny, ale treba zarehistravacca.
Prahrama:
15:00 Urok pieršy: lekcyja Siarhieja Chareŭskaha «Virtualny špacyr pa adrasach BNR»
16:30 Urok druhi: lekcyja Andusia Unučaka «Našaniŭskaje adradžeńnie - padmurak BNR»
18:00 Urok treci: lekcyja Uładzimira Lachoŭskaha «Simvały BNR»
19:00 Urok muzyki: vystup NAKA, MUTNAJEVOKA,:B:N:
Padčas imprezy buduć adbyvacca ŭroki malavańnia. Ilustratarka Lizavieta Hančarova navučyć vas malavać Pahoniu — nacyjanalny simvał Biełarusi.
Mierapryjemstva biaspłatnaje, tamu finansava padtrymać imprezu možna praz kraŭdfandynh.
