Pamior nobieleŭski łaŭreat, uradženiec Viciebska, Žares Ałfioraŭ
Akademik Žares Ivanavič Ałfioraŭ, vybitny fizik, łaŭreat Nobieleŭskaj premii pamior siońnia apoŭnačy na 89 hodzie žyćcia.
Pra heta partału «Navukovaja Rasija» paviedamiła jahonaja žonka Tamara Hieorhijeŭna.
Ałfioraŭ atrymaŭ Nobieleŭskuju premiju pa fizicy ŭ 2000 hodzie za raspracoŭku paŭpravadnikovych hieterastruktur i stvareńnie chutkich opta- i mikraelektronnych kampanientaŭ. Jaho daśledavańni adyhrali vialikuju rolu ŭ infarmatycy.
Naradziŭsia ŭ Viciebsku ŭ 1930 hodzie. Skončyŭ z załatym miedalom siaredniuju škołu № 42 ŭ Minsku, Leninhradski elektratechničny instytut.
Pracavaŭ u Fizika-techničnym instytucie imia A. F. Iofe (z 1987 da maja 2003 hoda byŭ dyrektaram). Kandydat fizika-matematyčnych navuk (1961), doktar fizika-matematyčnych navuk (1970). Akademik AN SSSR (1979), potym RAN. U 1990-91 hadach — vice-prezident AN SSSR, staršynia Prezidyumu Leninhradckaha navukovaha centra. Z 2003 hoda — staršynia Navukova-adukacyjnaha kompleksa «Sankt-Pieciarburhski fizika-techničny navukova-adukacyjny centr» RAN.
Imia Žaresa Ałfiorava nosić himnazija № 42 u Minsku.
Modničaŭ, siabravaŭ z synam Krapivy: cikavyja fakty z žyćcia Žaresa Ałfiorava
