Što za vioska Zalešany i čamu jaje naviedaje Miaśnikovič?
Vystava pamiaci achviar teroru ŭ Zalešanach. Fota radyjo «Racyja».
U časie 4-dzionnaha vizitu Michaiła Miaśnikoviča ŭ Polšču jon pabyvaje na Padlaššy. Akramia Biełastoka, važnaha pramysłovaha i handlovaha centra kala miažy ź Biełaruśsiu, jon pabyvaje ŭ vioscy Zalešany. Heta miesca pamiaci. Jaje ŭ 1946 hodzie spalili polskija partyzany-nacyjanalisty.
13 lutaha ŭ Varšavie kiraŭnik Savieta Respubliki Miaśnikovič pravodzić pieramovy z prezidentam Polščy Andžejem Dudam i premjer-ministram Matevušam Maravieckim. Hałoŭnymi temami razmoŭ stanie raźvićcio handlova-ekanamičnych adnosin, a taksama abhavorvańnie sprečnych pytańniaŭ u dvuchbakovych adnosinach.
U toj ža čas naviedvańnie Zalešanaŭ (časam nacisk pad polskim upłyvam staviać jak Zalašany) maje simvaličny charaktar.
Jak viadoma, u 1942—1947 hadach razhareŭsia polska-ŭkrainski kanflikt. U toj ža čas adbyvalisia i kanflikty miž palakami i biełarusami na ziemlach, jakija u mižvajenny čas byli ŭ składzie Polščy i jakija ŭ 1939-m apynulisia ŭ składzie SSSR.
Masavyja zabojstvy pravasłaŭnych na Padlaššy ŭ 1945—1948 hadach ździejśniŭ atrad Ramualda Rajsa pa mianušcy «Bury». Takim čynam, polskija partyzany imknulisia adstrašyć nasielnictva ad supracy z kamunistyčnymi ŭładami i vyklikać emihracyju biełarusaŭ i ŭkraincaŭ z Padlašša ŭ SSSR. Bandyty Buraha zabivali ŭsich, chto nie moh zhavaryć katalickaj malitvy pa-polsku.
Siarod inšaha, partyzany Buraha spalili viosku Zalešany. Na miescy pachavańnia jaje žycharoŭ ciapier staić kryž.
Čytajcie taksama: «My z vami»: palaki jeduć u Hajnaŭku padtrymać biełarusaŭ i pratestavać suprać maršu pamiaci Buraha VIDEA
Bielsk (Padlašša, Polšča). Pomnik achviaram Ramualda Rajsa «Buraha».
Nahadajem, što na Padlaššy — u Biełastoku, Hajnaŭcy i Bielsku — kampaktna žyvuć biełarusy, ich tut niekalki dziasiatkaŭ tysiač. Jany vydajuć svaju hazietu «Niva» i majuć biełaruskamoŭnaje Radyjo «Racyja».
Čytajcie taksama: Biełaruskaja pamiać pra «žaŭnieraŭ vyklentych»
Prezident Polščy demanstratyŭna admoviŭsia ŭziać patranaž nad šeściem pamiaci Buraha ŭ Hajnaŭcy
