Zatrymany aktyvist Jaŭhien Afnahiel. Jaho abvinavačvajuć u kradziažy
Jaŭhien Afnahiel — kaardynatar kampanii «Jeŭrapiejskaja Biełaruś»
Žonka Jaŭhiena Afnahiela Kaciaryna Ludvih paviedamiła ŭ kamientary Charter97.org, što jany z mužam jeździli na rynak budaŭničych materyjałaŭ. A kali viartalisia nazad, kupiŭšy ŭsio nieabchodnaje, ich mašynu spynili supracoŭniki DAI. Paśla hetaha z zasady vyskačyli siłaviki, jakija pradstavilisia supracoŭnikami kryminalnaha vyšuku. Jany stali zdymać zatrymańnie na videakamieru.
Čytajcie taksama: Jaŭhien Afnahiel vyjšaŭ na svabodu
Paśla hetaha asoby, jakija nazvalisia supracoŭnikami kryminalnaha vyšuku, sieli ŭ mašynu i zahadali jechać u Baraŭlanski adździeł UUS Minskaha rajona.
Tam Jaŭhiena Afnahiela zatrymali, jaho abvinavačvajuć u kradziažy tavaraŭ, nabytych na rynku, śćviardžaje žonka.
Pa słovach Kaciaryny Ludvih, u adździeł milicyi pryvieźli pradprymalnika, u jakoha jany kupili tavary.
U milicyi paćvierdzili, što Afnahiel znachodzicca ŭ ich, ale padrabiaznaści nie ahučyli.