Pres-sakratarku AHP Hannu Krasulinu chočuć departavać ź Biełarusi za ŭdzieł u apazicyjnych akcyjach i prajezd bieź bileta
Hanna Krasulina.
Pres-sakratarku Abjadnanaj hramadzianskaj partyi Hannu Krasulinu milicyja choča departavać ź Biełarusi.
Jana naradziłasia i žyła na Urale, tamu maje rasijskaje hramadzianstva, ale z 2002 hoda žyvie ŭ Biełarusi. Jaje muž — biełarus, viadomy historyk Jaŭhien Krasulin. Jany razam vučylisia ŭ Maskoŭskim dziaržaŭnym univiersitecie i, ažaniŭšysia, pryjechali žyć u Biełaruś.
U 2006 hodzie Krasulina pieraviezła ŭ Biełaruś svaich baćkoŭ i, jak jana kaža, abarvała suviazi z Rasijaj.
Milicyja paviedamiła joj, što znajšła padstavy dla departacyi ŭ «intaresach hramadskaha paradku». Sprava ŭ tym, što Krasulina dvojčy pryciahvałasia da adkaznaści za ŭdzieł u apazicyjnych akcyjach, a taksama adzin raz za prajezd bieź bileta.
U 2006 hodzie jana pracavała na štab Alaksandra Milinkieviča, u 2010 hodzie była pres-sakratarkaj Jarasłava Ramančuka, ciapier pracuje pres-sakratarkaj AHP.
