Što viadoma pra trahiedyju ŭ Łunincy, dzie pry maci abiezhałovili 8-miesiačnuju dziaŭčynku
27 kastryčnika ŭ kvatery šmatpaviarchovaha doma ŭ Łunincy baćka znajšoŭ cieła vaśmimiesiačnaj dziaŭčynki. Jak nam stała viadoma, dziciaci adrezali hałavu. Pa padazreńni ŭ zabojstvie małaletniaj zatrymali maci dziciaci i jaje 47-hadovaha pryjaciela. TUT.BY daviedaŭsia padrabiaznaści žyćcia siamji, dzie adbyłasia trahiedyja.
Leanid i Natalla. Fota: vk.com
25-hadovaja Natalla i jaje muž Leanid vychoŭvali traich dziaciej. Dvoje chłopčykaŭ — 4 i 6 hadoŭ — i vaśmimiesiačnuju Aniu. Siamja žyła ŭ kvatery na piatym paviersie novabudoŭli na vulicy Haharyna. Jak raspavioŭ TUT.BY daloki svajak Natalli, jaki paprasiŭ nie nazyvać jaho imia, maładyja ludzi pražyli ŭ šlubie 7 hadoŭ, a da hetaha doŭha sustrakalisia. Usie troje dziaciej — ahulnyja.
Staronka Natalli ŭ sacsietcy zapoŭnienaja fotazdymkami dziaciej. Jość siarod ich i zdymki maleńkaj Hanny. Pad fatahrafijami — kranalnyja podpisy: «maja dačuška», «maja pryncesa». Apošni raz mama zachodziła ŭ sietku pryblizna za hadzinu da žorstkaha zabojstva małoj.
Fota Ani sa staronki mamy. Fota: vk.com
«U škole Nataša była dobraj dziaŭčynkaj, vučyłasia niadrenna, zaŭsiody dapamahała, kali patrebna była dapamoha. Ale ŭžo padletkam vielmi časta sychodziła z domu, źnikała na niekalki dzion, načavała ŭ siabrovak i siabroŭ», — raspaviała TUT.BY byłaja adnakłaśnica Natalli Volha.
Znajomyja i svajaki charaktaryzujuć Natallu niejtralna: ałkaholem nie złoŭžyvała, lubiła i kłapaciłasia pra dziaciej. Adnak, kažuć, u apošni čas jaje niaredka bačyli ŭ zabaŭlalnych ustanovach Łuninca. Čaściakom — biez muža. Pa słovach znajomaj Natalli, žančyna «mahła vypić kielich vina», ale «vielmi pjanaju» jaje nie bačyli.
Paśla naradžeńnia Ani mama syšła ŭ dekretny adpačynak, Leanid praciahnuŭ pracavać na adnym z zavodaŭ horada.«Heta była ščaślivaja i lubiačaja siamja», — raspavioŭ TUT.BY rodny brat baćki dziaŭčynki Valeryj. Usie svajaki ciapier u šoku.
Byłaja adnakłaśnica Leanida Hanna raspaviała TUT.BY, što jaje dzieci chodziać u adzin sad sa starejšymi chłopčykami Natalli i Leanida: «Z boku vyhladajuć jak zvyčajnaja dobraja siamja».
Fota Ani sa staronki mamy. Fota: vk.com
Susiedzi, ź jakimi pahutaryła «Miedyja-Paleśsie», kažuć, što, sapraŭdy, pa ranicach muž i žonka časta ŭdvaich viali starejšych synoŭ u dziciačy sad. Adnak pa viečarach ź ich kvatery danosilisia huki zastolla i siamiejnych razborak.
Blizkija Leanida adhukajucca pra jaho stanoŭča. Pa ich słovach, jon pracavity, kłapatlivy baćka, lubiačy muž. Pry hetym adznačajuć, što dzieci zaŭsiody byli dahledžany ŭ asnoŭnym dziakujučy Leanidu i jaho siamji.
Fota Ani sa staronki mamy. Fota: vk.com
Mienavita Leanid ŭ tuju strašnuju subotu 27 kastryčnika znajšoŭ doma cieła maleńkaj dački. Jak raspavioŭ TUT.BY jaho stryječny brat Alaksandr, u dzień zabojstva hałava siamiejstva z synami dapamahaŭ svaim baćkam pa haspadarcy. U hety čas u ich kvatery Natalla raśpivała śpirtnyja napoi ŭ kampanii z 47-hadovym znajomym Viktaram. Pavodle niepaćvierdžanaj infarmacyi, ź imi taksama znachodziłasia 45-hadovaja žančyna. Pa dadzienych partała «Miedyja-Paleśsie», padčas zastolla kampaniju razdražniaŭ płač małoj, što i pasłužyła padstavaj dla zabojstva. Leanid pryjechaŭ dadomu prykładna praz 30—40 chvilin paśla trahiedyi. Jon ubačyŭ, što zdaryłasia, i vyklikaŭ chutkuju ź milicyjaj.
Pa infarmacyi TUT.BY, dziciaci nie prosta pierarezali horła — małuju abiezhałovili.
Śledčy kamitet pačaŭ kryminalnuju spravu za zabojstva małaletniaj z asablivaj žorstkaściu. Zatrymanyja maci dziciaci i jaje znajomy Viktar. Pakul nie viadoma, chto ź ich raspraviŭsia ź dziaŭčynkaj. Blizkija zatrymanaj nastojvajuć, što sama Natalla nie mahła tak pastupić sa svajoj dačkoj:«Jana na heta, pa-pieršaje, nie zdolnaja, pa-druhoje, jana lubić svaich dziaciej», — zapeŭnivaje svajak žančyny.
U adździele adukacyi, sportu i turyzmu Łuninieckaha rajvykankama TUT.BY paviedamili, što siamja sapraŭdy była na ŭliku jak sacyjalna niebiaśpiečnaja. Padstavaj pasłužyła ŭžyvańnie ałkaholu i siamiejna-pobytavy kanflikt, jaki adnojčy skončyŭsia vyklikam milicyi.
U orhanach apieki zapeŭnivajuć, što paśla pastanoŭki na ŭlik z baćkami pravodziłasia prafiłaktyčnaja rabota.
— Usie subjekty prafiłaktyki ŭdzielničali. Jakaść raboty zaraz analizujecca.
