U MUS raskazali, čym buduć zajmacca rasijskija palicejskija na Jeŭrapiejskich hulniach
Na čas praviadzieńnia Jeŭrapiejskich hulniaŭ u 2019 hodzie i čempijanatu śvietu pa chakiei ŭ 2021 hodzie ŭ Biełarusi buduć pracavać rasijskija palicejskija. U MUS Biełarusi raskazali, čym mienavita zojmucca ich kalehi i navošta ich zaprasili.
Ihar Šunievič i kiraŭnik MUS Rasii Uładzimir Kałakolcaŭ. Fota: pres-słužba MUS Biełarusi.
«U hetym kankretnym vypadku havorka idzie nie pra prysutnaść rasijskich palicejskich na spartyŭnych i hramadskich abjektach, a pra akazańnie kalehami kansultatyŭnaj i mietadyčnaj dapamohi pry praviadzieńni spartyŭnych mierapryjemstvaŭ z ulikam napracavanaha vopytu ŭ pieryjad praviadzieńnia spartyŭnych spabornictvaŭ suśvietnaha ŭzroŭniu na terytoryi Rasii, u tym liku apošniaha čempijanatu śvietu pa futbole ŭ 2018 hodzie», — rastłumačyli ŭ MUS.
Raniej Ihar Šunievič zajaviŭ, što rasijskija pravaachoŭniki buduć zadziejničany ŭ Biełarusi na čas praviadzieńnia II Jeŭrapiejskich hulniaŭ u 2019 hodzie i čempijanatu śvietu pa chakiei ŭ 2021 hodzie.