Mižnarodnaja śledčaja hrupa: «Buk», jaki źbiŭ MH17 pad Danieckam, prybyŭ z vajskovaj čaści pad Kurskam
Zienitna-rakietny kompleks «Buk», jaki źbiŭ «Boinh» Malaysia Airlines u Danieckaj vobłaści, naležaŭ 53-j zienitna-rakietnaj bryhadzie Minabarony Rasii. Pra heta zajaviŭ pradstaŭnik Mižnarodnaj śledčaj hrupy na pres-kanfierencyi pra vyniki rasśledavańnia.
Śledčyja zrabili hetuju vysnovu, hruntujučysia na fota i videa z sacyjalnych sietak, zroblenych pa šlachu ruchu «Buka» z Kurskaj vobłaści, dzie bazujecca 53-ja bryhada, 23-25 červienia 2014 hoda.
Baza 53-j bryhady raźmiaščajecca ŭ pasiołku Maršała Žukava pad Kurskam. Śledčaja hrupa vyśvietliła, što «Buk», jaki źbiŭ «Boinh» Malaysia Airlines u Danieckaj vobłaści, vyvieźli z bazy 23 červienia. Jon byŭ u składzie kanvoju z 50 mašyn i šaści ZRK «Buk». Śledčyja praanalizavali admietnyja rysy mašyn pa dziasiatkach fotazdymkaŭ, vykładzienych u hety čas u sacsietkach. Jany vyśvietlili miescaznachodžańnie abjekta z kožnaj fatahrafii i skłali chranałahičny šlach kanvoju z Kurska.
