U probie rasijskaha bronzavaha pryziora Alimpijady znajšli mieldonij
Alaksandr Krušalnicki. Fota Reuters
Bronzavaha pryziora Alimpijskich hulniaŭ-2018 u dabł-mikście rasijskaha kiorlinhista Alaksandra Krušalnickaha padazrajuć va ŭžyvańni zabaronienaha preparata mieldoniju, piša «Sport-Ekspres».
Na Hulniach u Pchiončchanie Krušalnicki razam z žonkaj Nastaśsiaj Bryzhałavaj zavajavaŭ bronzu ŭ dabł-mikście. Hety miedal staŭ dla Rasii pieršym u kiorlinhu.
Nastaśsia Bryzhałava i Alaksandr Krušalnicki. Fota Reuters.
Jak stała viadoma, adzin z dopinh-testaŭ rasijskaha kiorlinhista pakazaŭ padazronyja vyniki. Pa infarmacyi «SE», proba «B» Alaksandra Krušalnickaha budzie ŭskryta ŭ paniadziełak ranicaj pa karejskim časie. Sam spartoviec moža prysutničać pry ŭskryćci. Proba «A» pry hetym pakazała najaŭnaść mieldoniju.
«Ja ŭpieršyniu pra heta čuju, — zajaviŭ trenier Krušalnickaha Dźmitryj Mielnikaŭ. — Alaksandr skončyŭ pryjom mieldoniju jašče ŭ 2016 hodzie, kali preparat byŭ zabaronieny. Z tych časoŭ nikoli nie prymaŭ. Potym jon prachodziŭ dopinh-kantrol na čempijanatach śvietu 2016 i 2017 hadoŭ, i nijakich prablem nie było nikoli. Spadziajusia, heta niejkaja pamyłka».
