Adamu Bialackamu prysudzili paŭtara hoda źniavoleńnia za pravakatyŭny pierformans u Aśviencimie
17 studzienia rajonny sud polskaha horada Aśviencim ahučyŭ prysud udzielnikam pierformansu kala muzieja Aŭšvic-Birkienau.
Adam Bialacki asudžany da 1 hoda 6 miesiacaŭ źniavoleńnia. Jaho pryznali vinavatym ŭ źniavazie miesca pamiaci i zabojstvie žyvioły, paviedamlaje Radyjo Svaboda
Adam Bialacki na łavie padsudnych, fota Uładzia Hrydzina
Jon taksama musić zapłacić štraf u pamiery 2000 złotych (kala 630 dalaraŭ ZŠA). Jamu zabaroniena mieć žyviołaŭ na praciahu 10 hadoŭ.
Mikita Vaładźko asudžany da 1 hoda 2 miesiacaŭ źniavoleńnia. Jamu taksama zabaroniena mieć žyviołaŭ na praciahu 10 hadoŭ.
Sudździa zajaviła, što asudžanyja pierad učynkam razumieli, što im za heta pahražaje, tym nie mienš pajšli «na taki ŭčynak». «Jany źniavažyli miesca pamiaci, palitaje kryvioju sotniaŭ tysiačaŭ ludziej», — skazała jana.
24 sakavika 2017 hoda raździetyja dahała maładyja ludzi zaviesili łozunh «Arbeit Macht Frei» raściažkaj z nadpisam «Love». Jany sprabavali prykavać siabie adzin da adnaho kajdankami. Padčas akcyi dva ŭdzielniki-biełarusy zarezali jahnia.
