Rabotnika Homielskaha chimzavoda adpravili čyścić dach karoŭnika. Jon pravaliŭsia i zahinuŭ. Dvoje dziaciej zastalisia biez taty

U Buda-Kašaloŭskim rajonie ŭ vioscy Bušaŭka trahična zahinuŭ były vyratavalnik MNS: u pracoŭny čas 33-hadovaha hamielčuka adpravili čyścić dach karoŭnika, adkul jon zvaliŭsia z 10-mietrovaj vyšyni i raźbiŭsia naśmierć.

Jak paviedamlajuć «Mocnyja naviny», 18 listapada supracoŭnikaŭ chimičnaha zavoda adpravili myć dach karoŭnikaŭ u viosku Bušaŭka Marozavickaha sielsavieta.

«Pracavali biez strachoŭki. Dach, mabyć, byŭ zacyravany nietryvałym materyjałam u niekatorych miescach, jon pravaliŭsia, a Kirył zvaliŭsia na bieton z 10-mietrovaj vyšyni i raźbiŭsia», — raspaviała Taćciana Ramanava, siastra zahinułaha.

U byłoha ratavalnika zastalisia žonka i dvoje maleńkich dzietak: 6 i 3 hady.

Kirył Ramanaŭ

Kiryłu Ramanava pachavajuć u paniadziełak.

Mocnyja naviny

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0