Što było na šeści ŭ Kurapaty FOTY
Siońnia ŭ Minsku adbyłosia tradycyjnaje šeście ŭ Kurapaty. U im uziali ŭdzieł kala 300 čałaviek.
Siarod udzielnikaŭ byli vieteran nacyjanalna-vyzvalenčaha ruchu Nina Bahinskaja, mastak Alaksiej Maračkin, palitołah Andrej Lachovič, vydaviec Aleś Mazanik, litaratar Kanstancin Kasiak, kiraŭnictva Kansiervatyŭna-chryścijanskaj partyi BNF, Partyi BNF, Chryścijanskaj demakratyi.
Narodžanaja ŭ 2014-m Aryna Jaromienak była adnoj z najmaładziejšych udzielnic šeścia pamiaci ŭ Kurapaty. Šeście adbyłosia ŭ niadzielu 5 listapada ŭ Minsku.
Na fota nižej: na plačach u taty, cieślara Uładzia Jaromienka.
Udzielniki nieśli nacyjanalnyja bieł-čyrvona-biełyja ściahi, vosieńskija kvietki, samarobnyja płakaty z asudžeńniem kamunistyčnaj i savieckaj spadčyny.
Čytajcie taksama: Milicyja spyniła pravakataraŭ, jakija sprabavali pieraškodzić šeściu ŭ Kurapaty VIDEA
Prynieśli ŭ Kurapaty i novy kryž.
Čytajcie taksama: Arhanizatary šeścia ŭ Kurapaty paprasili žančynu prybrać płakat suprać dziedaŭščyny
Šeście da Kurapackaj hary doŭžyłasia amal try hadziny.
U Kurapatach adbyŭsia karotki mitynh. Na im byŭ začytany zvarot Zianona Paźniaka.
Mastak Aleś Maračkin pryjšoŭ u Kurapaty z samarobnym płakatam.
Na palitołahu Andreju Lachoviču (źleva) była vialikaja nacyjanalnaja stužka.
Naša budučynia — biełaruskija dzieci.
Śviatłana Kavalenka z Abjadnanaj hramadzianskaj partyi (źleva) i režysiorka Volha Nikałajčyk.
Šeście ŭ Kurapaty arhanizoŭvaje Kansiervatyŭna-chryścijanskaja partyja BNF. Jano było dazvolenaje Minharvykankamam. Za paradkam na demanstracyi sačyli kala 50 milicyjantaŭ, nad praśpiektam lotaŭ milicejski dron.
Kurapaty — heta miesca pachavańnia achviaraŭ savieckaha režymu. Miarkujecca, što tam spačyvajuć niekalki dziasiatkaŭ tysiač zakatavanych.
