Minabarony Ukrainy: Da vučeńniaŭ «Zachad-2017» Rasija sprabavała pryciahnuć siły z Danbasa
Rasija płanavała pryciahnuć da vajennych vučeńniaŭ «Zachad-2017» siły, jakija raźmieščanyja na terytoryi Danbasa. Pra heta zajaviŭ pres-sakratar Ministerstva abarony Ukrainy Andrej Łysienka, paviedamlaje RBK.
mediarnbo.org
«My ciapier bačym, što sprabavali pryciahnuć da hetych vučeńniaŭ rasijska-akupacyjnyja vojski ŭ Danbasie. My atrymali danyja vyviedki, bolšaść kałon, jakija pavinny vyjści ŭ punkty zasiarodžvańnia dla vykanańnia paralelnych zadač u ramkach vučeńniaŭ «Zachad-2017», jany prosta nie dajechali, bo čamuści skončyłasia paliva. Adno z padraździaleńniaŭ na Łuhanščynie, jakoje mieła ŭ svaim składzie 11 tankaŭ… Usiaho try tanki byli zdolnyja rušyć i vykonvać zadańni, usie astatnija niaspraŭnyja», — skazaŭ Łysienka.
Pavodle jaho danych, analiz techniki dvuch vajskovych karpusoŭ «DNR» i «ŁNR» śviedčyć, što 60% techniki nie moža vykarystoŭvacca z-za niaspraŭnaści.
