Što heta było? Čamu zdaryŭsia ŭkid pra pierakidvańnie tankavaj armii ŭ Biełaruś
Fota: Minabarony Rasii.
Užo pieršy dzień vučeńniaŭ «Zachad-2017» pačaŭsia z bujnoha infarmacyjnaha skandału paśla taho, jak Minabarony Rasii zranku zajaviła pra pierakidvańnie cełaj tankavaj armii ŭ Biełaruś.
Chacia raniej zajaŭlałasia, što ŭsie rasijskija vojski, jakija płanujecca zadziejničać u vučeńniach, užo prybyli. Rasijskim hienierałam taksama viadoma, jakija ŭ biełaruskim hramadstvie nastroi, jakija nastroi ŭ susiednich krainach.
Jaki mesedž niasie infarmacyja pra pierakidańnie armii?
Pa-pieršaje, što «my možam».
Ci było heta ŭzhodniena ź Minskam? Dumaju, nie. Pałkoŭnik Makaraŭ na bryfinhu Minabarony zaniaŭ jasnuju pazicyju: «Usie rasijskija vojski ŭžo tut, inšych nie płanujecca» i navat dapuskaŭ ironiju: «Nijakich inšych vučeńniaŭ na terytoryi Biełarusi nie adbyvajecca».
Ale čamu rasijanie ŭklučyli infarmacyjny pres?
Biełaruskija ŭłady prajaŭlali niezvyčajnuju aściarožnaść pry płanavańni sioletnich vučeńniaŭ.
Asnoŭnaje adroźnieńnie ad minułych «Zachadaŭ» — heta toje, što Minsk, zdajecca, pilnuje, kab vykonvalisia kvoty dla rasijskich vojskaŭ, jakija datyčać kolkaści ŭzbrajeńnia, samalotaŭ i sałdat.
Rasijanam pastaŭlenyja žorstkija ŭmovy pa kolkaści — pryjedzie stolki, kolki vyrašym my.
Moža być, mienavita ŭ adkaz na hetyja zachady Minabarony RF padniała dziela dźviuchchvilinnaha videa cełuju armiju?
