Aleś Maračkin napisaŭ sarkastyčny vierš pra pomnik haradavomu

Aleś Maračkin apublikavaŭ u sacsietkach vierš, jaki napisaŭ z nahody adkryćcia ŭ Minsku pomnika haradavomu. Hety pomnik nižniemu čynu carskaj palicyi adkryli napiaredadni 100-hodździa biełaruskaj milicyi, jaki MVD adznačaje siońnia, 4 sakavika.

Jak mianie vy ŭsie dastali,
chto staić na pjedestale!..
Hanarova stajać, horda,
siarod ich i dziaržymorda,
Nie dastanieš hałavy,
vyšej usich haradavy.

Zrez historyi admieran,
toj, chto ''tup, kak sivyj mierin'',
Nie dastanieš hałavy,
vyšej usich haradavy.

I adkul takija kłony,
chto impiercam šle pakłony?
Paškadujcie bronzu, miedź,
smakčy łapu, zhiń, miadźviedź!..

mvd.gov.by

U 1917 h., 3 sakavika, Časovy ŭrad pastanaviŭ zamianić carskuju palicyju narodnaj milicyjaj. 4 sakavika atrady rabočych zachapili haradskoje palicejskaje ŭpraŭleńnie ŭ Minsku i ŭziali pad achovu poštu i telehraf. Hety dzień ličycca dniom naradžeńnia biełaruskaj milicyi.

0

0

0

0

0

0