Litaraturnaja «Miadovaja premija» za 2016 hod zastałasia ŭ Breście
Pud miodu atrymaŭ Mikoła Siankievič. Uručeńnie prypała na pasiadžeńnie Bresckaj abłasnoj Rady Sajuza biełaruskich piśmieńnikaŭ u apošniuju niadzielu lutaha, paviedamlaje «Brescki kurjer».
Fota: Jaŭhien Białasin, bk-brest.by
«Pakolki sioleta Rada pramaŭčała, to vyrašyŭ sam addać Siankieviču — za sumarny ŭniosak u litaraturu i ŭ suviazi ź jubilejem», — prakamientavaŭ fundatar premii, paet-pčalar Mikoła Papieka. I, niadoŭha dumajučy, dadaŭ čarhovuju papiekaŭku: «I jak mahčymamu prapraŭnuku kłasika — Nobieleŭskaha łaŭreata».
Takim čynam, mižnarodnaja z 2013 hoda premija (łaŭreatkaj stała paetka z Vałyni Nina Horyk) sioleta nie pakinie miežaŭ rehijona. Ahułam spadar Papieka vydaŭ litarataram 256 kiłahramaŭ miodu (16 razoŭ pa 16 kh).
Na svaim schodzie piśmieńniki abmierkavali i skandalnaje rašeńnie Ministerstva kultury, pavodle jakoha SBP nie byŭ uklučany ŭ śpis tvorčych arhanizacyj.
Abłasnaja rada SBP vyrašyła adreahavać adekvatna. Maŭlaŭ, čynoŭniki ŭ čarhovy raz sapsavali pavietra. A ŭ takim razie, jak vodzicca siarod cyvilizavanych ludziej, robim vyhlad, što nie zaŭvažyli, ale dalej pabačym. Było vyrašana paćvierdzić vyłučeńnie na premiju imia Uładzimira Kaleśnika tvoraŭ arhanizavanych u SBP bieraściejskich litarataraŭ i prapanavać miascovym uładam šerah mier dziela palapšeńnia, a to i ŭratavańnia statusu i prestyžu litaratury, kultury, biełaruskaj movy.
Taksama abmierkavali ŭdzieł u čarhovym spravazdačna-vybarčym źjeździe Sajuza biełaruskich piśmieńnikaŭ, jaki adbudziecca ŭ Minsku 4-ha sakavika.
