U Minsku adkryŭsia JYSK — dacki kankurent «Ikiei» FOTY
U Minsku raspačała pracu krama tavaraŭ dla domu JYSK. U handlovym centry «Hipa» (Hareckaha, 2) pamiaškańnie zajmaje 2300 kvadratnych mietraŭ, a ŭ samoj kramie klijentaŭ buduć absłuhoŭvać 30 supracoŭnikaŭ. Pa padlikach kampanii, inviestycyi ŭ adkryćcio skandynaŭskaj sietki kramaŭ u Biełarusi skłali 1,2 miljona jeŭra.
Voś takija banhładešskija ručniki kaštujuć u kramie ad 1,99 rubla.
Kresły — ad 169 rubloŭ.
Pa słovach hienieralnaha dyrektara ŭ krainach Bałtyi i Biełarusi Dace Zundure, JYSK bačyć patencyjał u Biełarusi jak u novym rynku, tak i ŭ novym vytvorcy i eksparciory svajoj pradukcyi. Darečy, sietka prysutničaje ŭ 45 krainach.
Sučasnyja palicy za 169 rubloŭ.
Voś takija navahodnija paduški kaštujuć 17,99 rubla.
Dvuchjarusny łožak za 399 rubloŭ.
Amal usie tavary raźličanyja na dobraŭparadkavańnie kvatery. Santechniki, žyrandolaŭ, tavaraŭ dla ramontu tut niama. Zatoje pradajucca mebla, ručniki, dyvany, upryhožvańni dla domu i drobnyja tavary, jakija dapamahajuć bolš erhanamična rasstavić rečy ŭ kvatery.
Štory — ad 39,99 rubla.
Bolšaść tavaraŭ, jakija pradajucca ŭ JYSK u Biełarusi, zroblenyja ŭ Kitai, Łatvii, Banhładešy, Indyi, Danii. Ale šmat pradukcyi vyrablena i ŭ Biełarusi.
Kamody biełaruskaj vytvorčaści — 99 rubloŭ.
Brazilski dyvanok kaštuje 6,99.
Ceny na biełaruskija matracy ad 149 rubloŭ, łožki — ad 299.
Valizki ad 49,99.
Bolš za toje, biełaruskija tavary buduć pradstaŭleny ŭ 27 kramach u Jeŭrasajuzie.
Kanapy, u tym liku i biełaruskija. Ceny ad 999 rubloŭ.
Ralštory ad 23,99 rubloŭ.
Kamplekty dziciačaj bializny ad 59,99.
Tualetny stolik biełaruskaj vytvorčaści — 299 rubloŭ.
***
JYSK — dackaja sietka, jakaja prapanuje tavary ŭ katehoryi «ŭsio dla doma». Pieršaja krama JYSK była stvorana ŭ dackim Orchusie ŭ 1979 hodzie Łarsam Łarenam.
JYSK — kankurent šviedskaj «Ikiei», jakaja pakul što ŭ Biełaruś nie pryjšła.
