Пераможца конкурсу на найлепшы праект «Мінск-Сіці» атрымае $5000

Учора на афіцыйным сайце гарадской адміністрацыі з’явілася дакументацыя, дзе канкрэтызаваныя ўсе патрабаванні да архітэктурных праектаў. Характэрна, што ўся інфармацыя пра конкурс прадстаўленая толькі на расійскай мове. Работы будуць прымацца з 22 кастрычніка 2012 да 31 студзеня 2013, а пераможцаў абвесцяць ўжо ў канцы лютага наступнага года.

У дакрызісныя гады расійская «Ітэра» планавала будаваць на тэрыторыі аэрапорта «Мінск-1» комплекс вышынных будынкаў, цэнтрам якога зрабіўся б 80-павярховы хмарачос у выглядзе бусла. Цяпер гэты праект адкінуты.

Як адзначылі ў конкурснай дакументацыі, перад архітэктарамі стаіць некалькі задач:

«Стварыць новы іміджавы цэнтр сталіцы Рэспублікі Беларусь, зручны для працы прадстаўніцтваў замежных кампаніяў, які забяспечвае камфортныя ўмовы для арганізацыі міжнароднага гандлю і прыцягнення інвестыцыяў. Стварыць інфраструктуру, што стымулюе росквіт бізнесу, абсталяваную найноўшымі тэхналогіямі і сістэмамі бяспекі, якая адпавядае сучаснаму ўзроўню камфортнага пражывання людзей».

Ад праектных арганізацыяў патрабуецца прадугледзець не менш за пяць чэргаў узвядзення жылой забудовы. Акрамя гэтага раён павінен уключаць грамадска-дзелавы цэнтр, гатэлі і апартаменты, гандлёвы і спартыўны цэнтры, а таксама тэрыторыі рэкрэацыі і зялёныя зоны.

Паводле ўмоваў конкурсу шматкватэрныя дамы будуць дзяліцца на тры катэгорыі: малагабарытнае жыллё эканом-класа (плошча «аднушак» — ад 26 да 30 кв.м), эканом-клас і жыллё павышанай камфортнасці (каля 10% ад усёй жылой забудовы).

Іншымі словамі, як раён «Мінск-Сіці» будзе відавочна не элітным.

Арганізатары конкурсу паведамляюць таксама пра планіровачныя абмежаванні для праектавання. Так, вышыня жылых будынкаў павінная быць не большай за 75 метраў, а для грамадскіх і шматфункцыянальных — да 50 метраў. На сёння самы высокім будынкам у Мінску лічыцца недабудаваны пакуль жылы дом «Ветразь» — 133 метры. Аб вышыні офісных будынкаў «Мінск-Сіці» ў конкурснай дакументацыі інфармацыя адсутнічае. Пазначана толькі, што іх павінна быць не менш за пяць, а агульная плошча мусіць скласці 100 тыс. кв.м.

Бюджэт міжнароднага архітэктурнага конкурсу складае 10 тысяч даляраў. Пераможца атрымае 5 тысяч. Удзельніку, які заняў другое месца, выплацяць 3 тысячы, а за трэцяе месца — 2 тысячы.

realt.onliner.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ