У выхадныя будзе халаднавата і дажджліва

Паводле прагнозу Рэспубліканскага гідраметэацэнтра, у суботу па Беларусі будзе воблачна з праясненнямі. Часам дажджы. Вецер паўднёва-заходні 6–11 м/с, на большай частцы тэрыторыі парывы 15–22 м/с, у паўночных раёнах месцамі да 23–25 м/с. Тэмпература паветра мінімальная ноччу +5–11°С,

максімальная днём +10–16°С, па поўдні Брэсцкай і Гомельскай абласцей да +18°С.

У Мінску ў суботу часам дождж. Вецер паўднёва-заходні 6–11 м/с, парывы 15–20 м/с. Тэмпература паветра мінімальная ноччу +8–10°С,

максімальная днём +12–14°С.

У наступныя двое сутак у Беларусі захаваецца дажджлівае надвор’е. У нядзелю, 7 кастрычніка, на большай частцы тэрыторыі кароткачасовыя дажджы. Вецер паўднёва-заходні, заходні 4–9 м/с, днём парывы да 14 м/с.

Тэмпература паветра мінімальная ноччу +5–12°С, максімальная днём +8–15°С.

8 кастрычніка ноччу месцамі, днём у заходніх і цэнтральных раёнах кароткачасовыя дажджы. Вецер заходні 5–10 м/с, днём парывы да 14 м/с. Тэмпература паветра мінімальная ноччу +2–8°С, на тарфяніках Брэсцкай вобласці месцамі замаразкі да 0 — мінус 3°С;

максімальная тэмпература днём +7–13°С.

БелаПАН

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0