Даслаць навіну
Знайсці
06.06.2012 / 10:48 16

Жыхар Брэста зрабіў з катэджа 6-кватэрны дом, а потым прадаў у ім кватэры

Адна з новабудоўляў у Брэсце стала прадметам суда.

У канцы 2008 года адна грамадзянка з прыгараду атрымала дазвол на будаўніцтва двухпавярховага жылога дома з газасілікатных блокаў з гаспадарчымі пабудовамі. Неўзабаве яна выдала свайму пляменніку даверанасць на вядзенне будаўнічых працаў. Пляменнік, Вячаслаў Зіновіч, узяўся за справу. І цалкам паспяхова.

З лістапада 2008 па чэрвень 2011 грамадзянін самавольна пабудаваў шасцікватэрны двухпавярховы мансардавы жылы дом без папярэдняга атрымання адпаведных дакументаў, унясення зменаў у распрацаваную праектную дакументацыю і праходжання будаўнічай экспертызы. Не было таксама рашэнняў мясцовых выканаўчых і распарадчых органаў аб праектаванні і будаўніцтве аб’екта і атрымання дазволу на вытворчасць будаўніча-мантажных работ у органах дзяржбуднагляду.

Суд пачаў адміністрацыйны працэс, але Зіновіч адпіраўся. Ён сцвярджаў, што ўсяго толькі дапамагаў цётцы ў будаўніцтве. У 2009 годзе па даверанасці купляў будматэрыялы. Калі і кім вялося будаўніцтва, яму не вядома, таму што са студзеня па верасень 2010 года ён знаходзіўся ў следчым ізалятары. Калі вызваліўся, страхары ўжо крылі дах. А потым у цёткі скончыліся грошы, яна прадала зямельны ўчастак і незавершанае будаўніцтва часткі хаты, і цяпер цэлы калектыў уласнікаў складае таварыства.

«Версія» не спрацавала. Суд Маскоўскага раёна Брэста высветліў, што замест аднакватэрнага жылога дома фактычна пабудаваны шасцікватэрны, які быў пасля закансерваваны і распрададзены грамадзянам у выглядзе доляў, памер якіх адпавядае плошчы адна-, двух- і трохпакаёвых кватэр. І ўсё гэта зрабіў Вячаслаў Зіновіч.

Як атрымалася ў межах адведзенага ўчастка і перыметра сцен з аднаго катэджа зрабіць 6 кватэр — асобная гісторыя. Дапушчаныя шматлікія парушэнні, выкарыстаныя «непратакольныя» будматэрыялы. Ёсць і яшчэ адно. Практычна задняй датай, ужо ў лістападзе 2011 года, гарвыканкам дазволіў таварыству распрацоўку дакументацыі на будаўніцтва шасцікватэрнага жылога дома на базе закансерваванага аднакватэрнага.

Хітраму грамадзяніну зараз давядзецца заплаціць штраф у памеры 20 базавых велічынь. Але што для бізнэсоўца нармальнага маштабу такое пакаранне? Калі чыста гіпатэтычна ўзяць кошт квадратнага метра ў гэтым доме за 600 у.а. і дапусціць, што будаўнік прадаў дольшчыкам кватэры, чысты прыбытак яго можа скласці дзесьці 120 тыс. даляраў.

Вячэрні Брэст

0
я / адказаць
06.06.2012 / 21:44
и всё потому что УКСу не отпошлял, этих уродов и там стрелять всеми кланами можно
0
Яна / адказаць
06.06.2012 / 22:12
Респект мужику! Даешь еще дома)
0
Alies' / адказаць
07.06.2012 / 10:28
Malojca! Alie zh haspadarow u Belarusi u turmu sazhayuc'.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31