Азербайджан пачаў выплаты па ўкладах часоў СССР
2,4 мільёна ўкладчыкаў могуць атрымаць каля $1,3 мільярда.
Урад Азербайджана пачынае выплаты па ўкладах насельніцтва, замарожаных ў свой час у ашчадбанку Азербайджанскай ССР.
«Мы гатовы з 1 чэрвеня пачаць працэс разавай выплаты па ўкладах насельніцтва ў Ашчадбанку па стане на 1 студзеня 1992 года. », — сказаў міністр фінансаў Азербайджана Самір Шарыф.
Міністр падкрэсліў, што працэс індэксацыі па ўкладах у Азербайджане істотна адрозніваецца ад аналагічных у іншых краінах СНД. «У шэрагу дзяржаў СНД гэты працэс займае працяглы перыяд часу — 5–10 і нават 20 гадоў. У Азербайджане ж увесь працэс выдачы сродкаў будзе ажыццёўлены да канца 2013 года. Заявы ад грамадзян на атрыманне сродкаў прымаюцца да 31 снежня 2012 года», — сказаў Шарыф.
Ён адзначыў, што працэс ахопіць 2,4 мільёна ўкладчыкаў і запатрабуе да 1 мільярда манатаў ($1,27 мільярда).
Па апошніх дадзеных,
стратэгічныя валютныя рэзервы Азербайджана перавысілі $43 мільярды.
