Знайсці
30.05.2012 / 23:0533РусŁacБел

Для каго прыдумалі такі расклад Гарадскіх ліній?

Чытач ставіць пытанне: чаму няма электрычак, якія б прыходзілі ў Мінск а 8.30 і выязджалі а 18.30?

У «НН» прыйшоў ліст ад жыхара Заслаўя, які падпісаўся Сяргей К. Адначасова ён даслаў свой зварот начальніку Беларускай чыгункі Анатолю Сіваку.

«Паважаны Анатоль Аляксандравіч!

Многія жыхары горада працуюць у Мінску. Гэтак жа як і ў Вас, у большасці з іх працоўны графік з 09.00. Толькі вязе іх да працоўных месцаў не службовы аўтамабіль з персанальным кіроўцам, а электрычка.

Шмат сказана чыноўнікамі і напісана ў прэсе аб гарадах-спадарожніках, але электрацягнікоў, якія прыбываюць на вакзал да 08.30 і едуць у зваротным накірунку ў 18.30, проста няма.

Праект «Гарадскія лініі», не хаваю, жыхароў горада парадаваў. Аднак, адпраўленне ў 07.21 і 08.53, скажыце, для каго?
Студэнты не паспяваюць, людзям якія працуюць у Мінску, застаецца альбо прыязджаць на гадзіну раней, альбо на гадзіну спазняцца.

Увечары такая ж сітуацыя: працоўны дзень, паважаны Анатоль Аляксандравіч, канчаецца ў 18.00. І вось зараз чалавек сутыкаецца з праблемай вяртання дамоў. Электрацягнік «Гарадскіх ліній» адпраўляюцца ў 18.22 (не ўсе паспяваюць) і ў 19.10 (трэба чакаць каля 40 хвілін).

Дык для каго, паважаны Анатоль Аляксандравіч, закуплены дарагія цягнікі, праведзена замена палатна, пабудаваны чыгуначныя станцыі, калі мы ездзім на маршрутным таксі?

З павагай, карэнны жыхар Заслаўя Сяргей К.»

* * *

Ад Рэдакцыі

Свае пытанні і прапановы па арганізацыі працы руху электрычак пасажыры могуць даслаць на электронны адрас Беларускай чыгункі. Як гэта зрабіць можна даведацца на сайце БЧ у раздзеле «Звароты грамадзян».

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера