Знайсці
12.02.2012 / 12:241РусŁacБел

У Беларусі ад заўтрашняга дня пацяплее. Да мінус 14-24

На ўсім усходзе краіны мароз застанецца экстрэмальным.

Метэаролагі адзначаюць, што ў Паўночным паўшар’і ў гэтым годзе адзначаецца рэдкі феномен.

Парушана традыцыйнае размеркаванне вятроў і суадносін зон высокага і нізкага ціску.
Так, у Арктыцы, Ісландыі, паўночных раёнах Канады і ЗША ўжо на працягу трох тыдняў трымаецца незвычайна цёплае надвор’е.

Затое Цэнтральную і Усходнюю Еўропу, Міжземнамор’е і Паўночную Афрыку засыпала снегам і скавала маразамі. Снег ляжыць нават у пустыні Сахара.

У Беларусі, на шчасце, ад заўтрашняга дня мае трохі пацяплець. Уначы ў Мінску будзе «ўсяго» мінус 14.
Але ў Віцебску ўначы на панядзелак па-ранейшаму прагназуецца мінус 24, у Магілёве і Гомелі — мінус 23. (Уначы з суботы на нядзелю ў Гомелі было мінус 29, а ў Брагіне — аж 34! Таму прагрэс ёсць.)
Нават у Брэсце сіноптыкі не абяцаюць на наступным тыдні аніводнай ночы, цяплейшай за мінус 12.
Праўда, на Берасцейшыне ўдзень паветра будзе стабільна прагравацца да мінус 3–8.

Вялікія маразы пратрымаюцца яшчэ як мінімум тыдзень.
Сёлетняя зіма — самая халодная ад 1984/1985 года, калі ў краіне масава вымерзлі сады.

Колькасць ахвяр анамальных халадоў у Еўропе перавысіла 500 чалавек, снег выпаў нават у пустыні Сахара.
На працягу апошніх сутак сітуацыя асабліва абвастрылася ў Італіі і Харватыі.

Так,

на Апенінскі паўвостраў абрынулася новая хваля снегападаў.
На ачыстку вуліц у Рыме кінутыя вайскоўцы. У сталіцы працягвае дзейнічаць распараджэнне мэра, якое забараняе рух матацыклаў.

Дзесяткі італьянскіх паселішчаў ізаляваныя ад свету снегавымі заносамі, многія дарогі застаюцца непраходныя.

Больш за 60 тысяч жыхароў усходніх правінцый Румыніі апынуліся адрэзаныя ад свету.

У некаторых месцах таўшчыня снежнага покрыва дасягае сямі метраў!
Для дастаўкі людзям прадуктаў і прадметаў першай неабходнасці мабілізаваны падраздзяленні выратавальнікаў, паліцыі і арміі.

Сяргей Гезгала

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера