У Брэсце выяўленыя першыя выпадкі захворвання на адзёр
У студзені адзёр быў дыягнаставаны ў сямі чалавек, з іх трое дзяцей.
Як паведамілі ў Брэсцкім занальным цэнтры гігіены і эпідэміялогіі, усе дзеці і адзін дарослы не былі прышчэпленыя ад адру.
Сёння гэтая хвароба значна «пасталела»: калі раней на яе хварэлі пераважна дзеці, то сёння 80% ізноў выяўленых хворых на адзёр — дарослыя, у якіх адзёр працякае крыху цяжэй.
Відавочна, захворванне перавандравала да нас з Еўропы, дзе ў 2011 годзе павялічылася колькасць выпадкаў заражэння на адзёр. Асаблівасць гэтага прыходу хваробы ў тым, што сёння ў большай ступені захворваюць не дзеці, а маладыя людзі ва ўзросце 20–29 гадоў. Гэта звязана з тым, што праведзеная ў дзяцінстве імунізацыя да 20 гадоў слабее.
Таму на першы квартал 2012 запланаваная вакцынацыя супраць адру за кошт сродкаў мясцовага бюджэту — у першую чаргу асоб у гэтым узроставым дыяпазоне. Таксама можна будзе атрымаць прышчэпку на платнай аснове. Медыкі заклікаюць бацькоў не адмаўляцца ад вакцынацыі сваіх дзяцей — прышчэпку ад адру робяць ва ўзросце 12 месяцаў, рэвакцынацыю — у шэсць гадоў.
Адзёр — вострае інфекцыйнае захворванне, якое выклікаецца вірусам, што перадаецца
