Аляксандр Глеб можа апынуцца ў «Твэнтэ». А можа і не
30-гадовы беларускі паўабаронца Аляксандр Глеб можа працягнуць кар’еру ў галандскім «Твэнтэ», які да гэтага часу шукае замену Браяну Руісу, што сышоў у «Фулхэм», паведамляе voetbalinfo.nl.
Нагадаем, Глеб-старэйшы да гэтага часу належыць «Барселоне», але зноў вымушаны шукаць сабе клуб, пасля таго як не змог замацавацца ў арэндзе ў «Вольфсбурге». Віной — траўмы, ад якіх ён не можа пазбавіцца да гэтага часу. З пачатку года ён набіраў форму ў трэніровачным лагеры «Аўгсбурга».
У чэмпіянаце Галандыі «Твэнтэ» пасля 18 тураў займае трэці радок у турнірнай табліцы першынства, маючы ў сваім актыве 36 ачкоў і на тры адстаючы ад лідара АЗ.
Раней паведамлялася аб цікавасці да беларусу з боку маскоўскага «Лакаматыва», «Куінс Парк Рэйнджэрса» і «Галатасарая».
Goals.by
Хочаш падзяліцца важнай інфармацыяй
ананімна і канфідэнцыйна?
Пішыце рэдактару
«Нашай Нівы» ў ТГ