Знайсці
11.05.2011 / 16:509РусŁacБел

Псіхолагі з Нацбанка: дазволілі «вольны» курс, але «рэкамендавалі» трымаць у межах 4000 да канца тыдня

Даляр на пазабіржавым рынку для прадпрыемстваў застаецца каля 5200.

Нацбанк дазволіў камерцыйным банкам устанавіць свабодны курс наяўнай валюты для насельніцтва. Але, як паведамілі «Нашай Ніве» крыніцы ў банках, пры гэтым у банкі прыйшла нефармальная рэкамендацыя, каб да канца гэтага тыдня курсы не перавышалі 4000 рублёў за даляр.
І праўда, менавіта да гэтай мяжы падскочыў курс амаль ва ўсіх абменнікаў.
Большасць банкаў купляе даляр за 3990 рублёў, а прадае за 4000.

Такі самы мінімальны лаг устанавіўся між курсам продажу і куплі еўра: 5750/5760.

Як вядома, курс даляра на пазабіржавым рынку для прадпрыемстваў трымаецца на ўзроўні каля 5200 за даляр. Аднак разавая дэвальвацыя на 70% была б шокам для грамадзян. Таму Нацбанк пайшоў спачатку на паўмеру. Ці азначае гэта, што рубель працягне падзенне?

Гэта вельмі імаверна. Зрэшты, іншыя эксперты не выключаюць, што ў такім нізкім курсе рубля ёсць і псіхалагічны складнік. Магчыма, пасля таго як схлынуць дэвальвацыйныя чаканні, курс можа сапраўды спыніцца на ўзроўні каля 4000. Менавіта пра такі курс гаварыў як пра «збалансаваны» віцэ-прэм’ер Сяргей Румас.

Крыніцы агенцтва «Інтэрфакс» у банках мяркуюць, што рэальны рынкавы курс наяўнага рубля ў першыя дні пасля яго вызвалення мог бы скласціся на ўзроўні 4500–4600 рублёў за даляр, або на 50% ніжэй, чым афіцыйны курс Нацбанка.

Цікава, што калі Нацбанк 21 красавіка паспрабаваў вуснай рэкамендацыяй абмежаваць планкай 4500 курс даляра для прадпрыемстваў, то гэта прывяло да паралічу рынку безнаяўнай валюты, і 27 красавіка Нацбанк вымушаны быў адклікаць сваю рэкамендацыю.

Купіць валюту ў абменніках па-ранейшаму немагчыма. Фактычна, рынак чакае далейшага падзення рубля.

Сяргей Гезгала

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера