Даслаць навіну
Знайсці
14.11.2010 / 01:37 124

На навагрудскай царкве Барыса і Глеба ўсталёўваюць «цыбуліны»

Старшыня Таварыства аховы помнікаў Антон Астаповіч: «Працы вядуцца незаконна».

Старшыня Таварыства аховы помнікаў Антон Астаповіч: «Працы вядуцца незаконна».

На мінулым тыдні ў Навагрудку на царкве Барыса і Глеба, помніку архітэктуры ХІІ ст., пачалі ўсталёўваць пазалочаныя цыбулепадобныя купалы. У працэсе ўсталявання «цыбулін» дэмантуюцца шатровыя завяршэнні вежаў царквы.

У сувязі з гэтым старшыня Таварыства аховы помнікаў Антон Астаповіч звярнуўся з лістом у Міністэрства культуры з просьбай спыніць працы ў Навагрудку, паведамляе БелаПАН. Ён просіць распачаць у адносінах да прыходу царквы і адказных супрацоўнікаў Навагрудскага райвыканкаму адміністрацыйную справу. Акрамя таго, А. Астаповіч звярнуўся ў навагрудскую пракуратуру.

Працы па рэканструкцыі пачаліся ў чэрвені гэтага года і выклікалі скандал. Антон Астаповіч звярнуўся тады да навагрудскіх уладаў з патрабаваннем спыніць рэканструкцыю Барысаглебскай царквы. Спасылаючыся на Ігара Чарняўскага, старшыню ўпраўленні Міністэрства культуры па ахове гісторыка-культурнай спадчыны, Астаповіч заявіў ў чэрвені, што рэканструкцыя вежаў царквы не ўзгодненая з Міністэрствам культуры. Настаяцель царквы айцец Мікалай Орса на гэта заявіў, што дазвол атрымаў.

За храм заступіліся інтэлектуалы. Зварот да Беларускага Экзархату Расейскай Праваслаўнай Царквы і Міністэртва культуры падпісалі філосафы Алесь Анціпенка і Валянцін Акудовіч, архітэктарка Ірэна Лаўроўская, мастацтвазнаўцы Сяргей Харэўскі і Максім Жбанкоў.

На сітуацыю вакол помніка архітэктуры адрэагавала Міністэрства культуры. Упраўленне па ахове гісторыка-культурнай спадчыны і рэстаўрацыі міністэрства падрыхтавала прадпісанне па вядзенні рэстаўрацыйных працаў у Навагрудку і даслала яго копію ў Навагрудскі райвыканкам. У гутрацы з НН начальнік упраўлення Ігар Чарняўскі тады так і не раскрыў дэталі прадпісання: «А ці будуць тыя цыбуліны, ці не будуць, стане ясна пасля канчатковай падрыхтоўкі праекту».

Як паведамілі НН з Навагрудка, настаяцель царквы абвясціў прыхаджанам, што перад усталяваннем новых купалоў можна ўкласці ў іх памінальныя цыдулкі. Даць такую цыдулку каштавала 10 тысяч рублёў.

«Наша Ніва» будзе сачыць за развіццём падзей у Навагрудку.

***

Царква Св. Барыса і Глеба — помнік архітэктуры сусветнага значэння. Збудаваная ў 1517–19 на месцы старажытнага храма ХІІ ст. Фундатар — гетман ВКЛ князь Канстанцін Астрожскі. Помнік архітэктуры ўяўляе сабой сімбіёз гатычнага і рэнесанснага стыляў з рысамі абарончага дойлідства. У 1873–75 храм перабудавалі ў псеўдарускім стылі, пасля яму вярнулі ранейшы выгляд. Пасля Другой сусветнай вайны царква не функцыянавала, службы аднавіліся ў 1990-я.

Глядзі яшчэ:
Дык хто ж дазволіў перарабляць царкву ў Наваградку?

Сямён Печанко

0
Witek Pucybut / адказаць
16.11.2010 / 22:21
Наконт, філіокве адкажу наступным чынам: У сучаснай навуцы не выклікае сумнення факт наяўнасці адзінства паміж мысленнем і мовай. Кожны раз, калі ўзнікае аформленая думка, яна аказваецца звязанай з тым ці іншым спалучэннем слоў, хоць словы і не былі вымаўлены, а толькі ўяўлены. Адсутнічае ў такім выпадку толькі сам гук, але органы маўлення выконваюць пры гэтым, толькі значна хутчэй, усё тое, што патрабуецца для вымаўлення адпаведных слоў. Чалавек, які валодае некалькімі мовамі, заўсёды ведае, на якой з вядомых яму моў ён думае. Мова – сродак выказвання думкі і адначасова форма яе існавання. Праўда не адзіная: думка можа быць выказана не толькі словамі, але і знакамі, сімваламі. Дзякуючы пісьмовай мове ідэі, думкі, веды не паміраюць, а жывуць тысячы год, захоўваюцца для будучыні. Пісьмо пераадольвае прастору і час. У Святым Пісанні Бог-Сын называецца "Словам", а Святы Дух параўноўваецца з "літарай". Рабіце высновы самі.
0
AUGUST GALL / адказаць
16.11.2010 / 23:16
Нашы храмы николи не належыли РПЦ,забирали са зброяй у руках.РПЦ чужая нам.Таму и на нашай мове николи не служаць.Хиба дзе щэ служаць на чужой мове?Навязваюць нам сваю уладу.Знищаюць наша супраць нашай воли.Хиба так Хрыстос вучыць рабиць.Уникальная Расейская систэма каштоунасцей:пьянство,драки ,крадзежы и размовы пра духоунасць.Лезуць у чужы манастыр са сваим уставам.
0
stanisław / адказаць
22.11.2010 / 16:38
Szanowny Panie Uładzimir. Mam pytanie : czy Pan jest etnicznym Białorusinem z krwi i kości.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31