Прэзідэнт кіеўскага «Дынама» не прыняў адстаўку Валерыя Газаева

Прэзідэнт кіеўскага «Дынама» Ігар Суркіс не прыняў адстаўку галоўнага трэнера Валерыя Газаева, паведамляе афіцыйны сайт каманды.

Газаеў звярнуўся з просьбай аб звальненні пасля дамашняй нічыёй 2:2 у матчы групавога этапа Лігі Еўропы супраць барысаўскага БАТЭ.

«Вынік, вядома, нас абсалютна не задаволіў, як і гульня ў другім тайме. Усё вельмі дрэнна. А калі дрэнна, то вінаваты адзін чалавек — галоўны трэнер. Заўтра паспрабую звязацца з прэзідэнтам для таго, каб прыняць рашэнне», — сказаў Газаеў на прэс-канферэнцыі пасля заканчэння сустрэчы.

У сваю чаргу Суркіс заявіў, што дынамаўцы, якія не перамаглі БАТЭ, сталі антыгероямі. Віну за паражэнне прэзідэнт клуба ўсклаў на сябе і галоўнага трэнера.

Дзмітрый Уласаў, БелаПАН

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0