Даслаць навіну
Знайсці
12.10.2006 / 19:53 17

Бяруць за жэбры!

Уладу зьнянацку прыціснулі з двух бакоў. Выглядае на тое, што менавіта зараз афіцыйнае кіраўніцтва апынаецца між молатам ды кавадлам. Аналітыкі прадказвалі гэта адразу пасьля прэзыдэнцкіх выбараў.

Уладу зьнянацку прыціснулі з двух бакоў.

Выглядае на тое, што менавіта зараз афіцыйнае кіраўніцтва апынаецца між молатам ды кавадлам. Аналітыкі прадказвалі гэта адразу пасьля прэзыдэнцкіх выбараў.

З аднаго боку, Расея скарачае дастаўкі нафты.

Зь іншага боку, Эўразьвяз пагрозай пазбавіць прэфэрэнцыяў у гандлі дамогся, каб кіроўныя вярхі пайшлі на саступкі што да ўмоў існаваньня незалежных прафсаюзаў.

Зразумела, яшчэ ня вечар. Масква палохае, але пэўна ж пойдзе на нейкі кампраміс у палітыцы дастаўкі сюды энерганосьбітаў. Наіўная Эўропа, найхутчэй, яшчэ пераканаецца, што тутэйшы рэжым ня стаў адразу мяккім ды пухнатым (і ў пытанньні незалежных прафсаюзаў, і ўвогуле). Разам з тым, Брусэль працягвае трымаць моркаўку.

Дзіўна (а зрэшты, ці варта дзівіцца?), што палітычныя апанэнты ўлады зноў прапускаюць выйгрышныя піяраўскія нагоды. Ці не апазыцыя столькі часу дзяўбла, што рэжым трымаецца на танным расейскім газе ды нафтавай рэнце? Ці не апазыцыя апэлявала да Брусэлю, каб прыціснуў афіцыйны Менск за здушэньне правоў ды свабодаў?

І вось цяпер, калі лёд нібыта кранаецца, апазыцыйныя лідэры ніяк ня могуць вынырнуць са свайго міжсабойчыку, апэратыўна даць дасьціпны камэнтар, давесьці электарату: мы ж казалі!.. Гэта першае. А другое: каб краіна не дайшла да каляпсу, прапануем тое і тое...

Так, мажлівасьці для выхаду на аўдыторыю сціплыя. Але і яны не выкарыстоўваюцца як сьлед. Дзе ў тых штабох паліттэхнолягі, майстры ў справе масавых камунікацыяў? На інфармацыйныя нагоды апазыцыйныя вярхі адгукаюцца збольшага толькі тады, калі патэлефануе, напрыклад, нехта з радыё «Свабода» ды, робячы свой рэпартаж, міжволі наштурхне на ідэю.

Між іншым, эканамічную крызу як спружыну пераменаў аб’яднаныя дэмакраты заслупавалі нават у сваёй прынятай улетку стратэгіі. Мо’ ўжо самі на яе забыліся?

Ва ўсякім разе, сёньня мы бачым (глядзі першыя дзьве гіпэрспасылкі), як уладу бяруць за жэбры звонку менавіта эканамічнымі вожыкавымі рукавіцамі.

Аляксандар КЛАСКОЎСКІ

0
Cаянов / адказаць
13.10.2006 / 17:07
29.09.06 А.Лукашэнка: “Дай Бог, чтобы всегда была такая оппозиция у Лукашенко, как сейчас”, “… Многое мы им подсказываем, как надо лучше сделать… Сегодня в альтернативу президенту выступают те (и это благо для меня), кто пришёл со мной во власть в своё время, но оказались не удовлетворёнными теми портфелями, которые им Лукашенко предложил. Они ушли от Лукашенко. Мне с такими проще. Я их знаю, потому что они были рядом”. ======================= Гэта да выказваньняу некаторых тут аб "цьвердалобасьцi".
0
Radykal / адказаць
13.10.2006 / 17:51
Выбачайце за off-topic. Прашу свайго клёна (паведамленьне з 13:26) карыстацца іншым нікам.
0
АЎТАР -- САЯНАВУ / адказаць
13.10.2006 / 19:35
"А кто не даст?" =========== Пра тое, чаму аб'яднальны рэфэрэндум пакуль што малаімаверны, ёсьць трохі думак тут: http://www.nn.by/index.php?c=ar&i=4166 А таксама тут: http://www.nn.by/index.php?c=ar&i=3471
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30