Даслаць навіну
Знайсці
03.09.2010 / 16:23 16

Каложу «адновяць» з дапамогай газасілікатных блокаў

3 верасня ў Гродне стартавала грамадская акцыя «Адновім Каложу разам!»

3 верасня ў Гродне стартавала грамадская акцыя «Адновім Каложу разам!»

Хоць акцыя і называецца «грамадскай», ініцыяваў яе выканкам.

Кампаніі папярэднічала маштабнае апытанне грамадскай думкі па тэлефонах гарачай лініі і на вуліцах. За тры дні сябры гродзенскага БРСМ апыталі 2019 чалавек, з якіх 85,7% выказаліся за «аднаўленне царквы».

Аднак што маецца на ўвазе пад аднаўленнем?

Гісторыкі непакояцца, што ў часе рэканструкцыі старажытнай Барысаглебскай царквы, якую называюць яшчэ Каложай, будуць выкарыстоўвацца сучасныя будматэрыялы, як гэта робіцца ў Нясвіжы ды Міры. Загадчыца кафедры гісторыі Беларусі Гродзенскага ўніверсітэта імя Янкі Купалы Святлана Марозава ўхваліла імкненне ўладаў раіцца з народам. Аднак, калі гаворка ідзе пра такія важныя пытанні, як будучыня Каложы, мяркуе яна, апошняе слова мусіць быць за спецыялістамі.

Як апынуліся, перасцярогі гродзенскіх гісторыкаў не былі марнымі. У пачатку верасня на мясцовым тэлеканале прагучала інфармацыя, што страчаны пры абвале грунту мур выбудуюць з газасілікатных блокаў.

Між тым згодна з размешчанымі на сайце аблвыканкама эскізамі архітэктурнага праекта аднаўлення царквы страчаную сцяну мусілі аднаўляць з керамічнай цэглы-плінфы і апрацаваных валуноў — як і будавалі калісьці.

Цяпер палічылі, што драўляную сцяну танней замяніць сцяной з пенаблокаў, схаваных пад плінфай.

Дэкан архітэктурнага факультэта БНТУ Армен Сардараў кажа, што яшчэ два гады таму выказваўся супраць выкарыстання сучасных будаўнічых матэрыялаў пры аднаўленні Каложы. «Калі мы аднаўляем унікальныя помнікі з выкарыстаннем жалезабетону і газасілікату, то прыўносім у іх элемент несапраўднасці. А тым больш, калі гаворка пра такі аб’ект, як царква ХІІ ст.» Архітэктар трымаецца меркавання, што ў выпадках з разбуранымі або часткова парушанымі помнікамі, як Каложа, лепш пакінуць усё як ёсць, папярэдне грунтоўна закансерваваўшы.

Гродзенская епархія праваслаўнай царквы мяркуе, што храм трэба аднавіць у выглядзе, максімальна набліжаным да першапачатковага, г.зн. у старажытнарускім стылі з архітэктурнымі дэталямі, уласцівымі праваслаўным храмам візантыйскага тыпу. Гэта значыць, храм можа набыць над сабой купал.

Сямён Печанко

0
shinigami / адказаць
04.09.2010 / 19:13
Уважаемая редакция, ответьте на вопрос где Ваш корреспондент Сямён Печанко берет информацию? что за бред про газосиликат, луковицы и тд. иследование еще не проведены: ни фундамент, ни сохранившаяся стена еще не обследованы историками- археологами! зима на дворе! читайте, смотрите, слушайте внимательно - все материалы связанные с реконструкцией!проект выложен в сеть, его легко найти, блин- где вы увидели там луковицe- там ее нет и никогда не было!!!???Сколько можно наступать на одни и те же грабли- что это за бред и непрофессионализм!?и опять эти "гродзенскія гісторыкi"... задолбали!складывается впечатление, что у нас в Гродно только одни профессионалы- это "гродзенскія гісторыкi" !!!
0
Н. Сліж / адказаць
04.09.2010 / 20:57
на гэтым тыдні была праграма на гарадзенскім тв, калі я задала пытанне ці не рухне новая каменная сцяна, якая будзе значна цяжэй чым зараз драўляная. на сённяшні дзень у такім стане Каложа стаіць устойліва. мне архітэктар адказаў сцяна будзе з лёгкіх матэрыялаў - газасілікатаў!!! а якім чынам новая сцяна будзе падганяцца да старой, неўжо з ювілірнай дакладнасцю? дарэчы пашкоджанні старой часткі будуць пры перакрыцці даха і дабудове новай сцяны, бо яна будзе стаяць не накрытай у любое надвор\'е. гэты праекта нагадвае фінансаваю афёру, грошай няма, \"пабудуем разам\" - з насельніцтва будуць здымаць грошы, а як яны будуць размеркаваны, колькі каштуе праект, кожны від працы ў ім - невядома. Каму выгадна сабраць грошы з насельніцтва??? падлогі па просьбе свяшчэннікаў і прыхажан будуць цёплымі, а як гэта адаб\'ецца на Каложы - нікога не турбуе. праваслаўным трэба не Каложа, а яе муляж. святары ў старажытнасці маглі та службы ў ёй служыць. каму не хапае моць працаваць у такім храме, ніхто там не трымае. пры гэтым археалагічныя і геадэзічныя даследаванні нармальна не праведзены. а будаваць ужо сабраліся. помнікі такога ўзроўне не рэканстуююць іх кансэрвуюць і наглядаюць іх стан. гэта і патраэбна Каложы
0
2 shinigami / адказаць
04.09.2010 / 23:41
Пасьля надбудовы цыбулінаў на колішні Клецкі дамініканскі касьцёл, а таксама шматлікіх іншых выпадкаў РПЦ-шнага барбарства, цалкам не выпадае чакаць гэтых самых азіяцкіх цыбулінаў у тым ліку і на Каложы.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31