Даслаць навіну
Знайсці
29.08.2010 / 21:28 6

Гісторыкі перасцерагаюць: Рыхтуецца «правільнае» меркаванне пра рэканструкцыю Каложы

У Гродзенскім аблвыканкаме працуе тэлефонная лінія, сябры БРСМ апытваюць грамадзянаў на вуліцах горада.

Гродзенскі аблвыканкам ініцыяваў апытанне грамадскасці — працуе адмысловая тэлефонная лінія, сябры БРСМ распытваюць грамадзянаў на вуліцах горада.

«Адновім Каложу разам!» — грамадскую акцыю пад такой назвай напрыканцы ліпеня ініцыяваў Гродзенскі аблвыканкам. У рамках акцыі было наладжанае вывучэнне грамадскай думкі наконт неабходнасці рэканструкцыі Каложскай царквы, помніка дойлідства ХІІ ст.

У буднія дні да 31 жніўня ў аблвыканкаме працуе тэлефонная лінія «Маё меркаванне». З 12.30 да 14.30 па тэлефоне 8 (0152) 72-00-09 любы ахвочы можа падзяліцца сваімі думкамі наконт лёсу старажытнай царквы.
На мінулым тыдні сябры гродзенскага БРСМ ладзілі апытанне на вуліцах гораду. А колькі дзён таму на дзяржаўным тэлеканале «Гродна» ў праграме «Тэма» ў жывым эфіры прымалі ўдзел аўтары праекту рэканструкцыі царквы і гісторык Ігар Трусаў. Падрабязная інфармацыя пра хаду кампаніі і праект будучай рэканструкцыі змешчаная на сайце аблвыканкаму.

Такая актыўнасць уладаў насцярожвае тых гродзенскіх гісторыкаў, што прадстаўляюць альтэрнатыўнае афіцыйнаму бачанне аднаўлення і захавання Каложы.

«За часамі кіравання Уладзіміра Саўчанкі ніхто не цікавіўся грамадскай думкай наконт рэканструкцыі таго ці іншага помніка ў Гродне. А цяпер нават БРСМ падключылі»,
— кажа гісторык Андрэй Вашкевіч. На яго думку, улада такім чынам рыхтуе «правільнае» меркаванне пра рэканструкцыю Каложы. «Пасля скажуць, што ёсць тут некалькі крыкуноў на сайтах, якія лямантуюць, што ўсё дрэнна і нічога не трэба рабіць, але іх мала, а вунь колькі народу выказалася за тое, каб Каложу аднавіць».

Загадчыца кафедры гісторыі Беларусі ГрДУ імя Янкі Купалы, прафесар Святлана Марозава ўхваляе імкненне ўладаў раіцца з народам. Аднак, у выпадку з такой важнай праблемай, як будучыня Каложы, апошняе слова мусіць быць за спецыялістамі, упэўненая яна. Спадарыня Марозава мяркуе, што

рэканструкцыя Каложы проста неабходная, але пры гэтым сумняецца ў кампетэнцыі тых, хто ўжо сёння бярэцца за працу над шматпакутнай бажніцай. «Баюся, што ў Беларусі пакуль няма адпаведных спецыялістаў».
Прафесарка ўдзельнічала ў некалькіх міжнародных канферэнцыях, прысвечаных праблеме захавання царквы. Яна лічыць, што дагэтуль не вырашана пытанне ракі, якая ўсё яшчэ пагражае падмыць бераг.

Сваё бачанне сітуацыі прадстаўнікі незалежнага грамадства прэзентуюць на старонках некалькіх прыватных сайтаў, такіх як, напрыклад, harodnia.com і гродзенскі блог s13. На іх думку, праз адсутнасць механізмаў грамадскага кантролю за рэстаўрацыяй такіх важных аб’ектаў, як Каложа, яе можа напаткаць лёс іншых гродзенскіх архітэктурных помнікаў.

Варта адзначыць, што некалькі мясцовых незалежных інтэрнэт-рэсурсаў сталі адзінымі пляцоўкамі, дзе ў завочнай дыскусіі ўдзельнічаюць абодва бакі. Дзяржаўныя СМІ такім плюралізмам пахваліцца не могуць.

* * *

Рашэнне аб правядзенні рэстаўрацыйна-аднаўленчых працаў на царкве Св. Барыса і Глеба (Каложскай) было пранята ў снежні 2008 г. на паседжанні Навукова-метадычнай рады пры Міністэрстве культуры. Замоўцам і генеральным праекціроўшчыкам быў прызначаны «Інстытут Гроднаграмадзянпраект». Навуковым кіраўніком аб’екта з’яўляецца кандыдат мастацтвазнаўства, дацэнт БНТУ Генадзь Лаўрэцкі. Галоўным архітэктарам праекту — Ніна Емяльянава.

Сямён Печанко

0
shinigami / адказаць
31.08.2010 / 12:24
Скажите, а куда делся мой первый коментарий? Это как вообще? Или в НН только одно мнение приветствуется? А фразы в тексте для тупых выделели, чтобы понятее было какого мнения нужно придерживаться? Раздражает такая подача информации!Пожалуйста повторю- автор статьи Сямён Печанко - истфак ГрГу закончил, верно? так тут только мнение историков мы и видим, оно, кстати и так понятно! А что в программе Тема только Трусов сидел? А те кто "за" - получается -тупые, да? И только Вы историки такие умные и понимаете, что с Коложой можно делать!Ну-ну! Вы где автора статьи нашли -то? Разве это журналистика???Я понимаю если такое у себя в блоге пишут или в ЖЖ, но это же газета!Тошнит уже от непрофессиональзма! ps Прекрасно понимаю, что мой комент Вы не добавите! Второй тоже можно было не размещать, спасибо, так как он из контекста вырван!Теперь зато знаю, что НН такая же коньюктурная газета, как и все остальные, где мнение редакции закон!
0
shinigami / адказаць
31.08.2010 / 12:25
Статья ровным счетом ничего не несет- информации "ноль"!
0
shinigami / адказаць
31.08.2010 / 12:32
Упс, сорри перепутала Сямёна Печанко с другим человеком. Но тут еще интереснее Скончыў Гарадзенскі аграрны ўнівэрсытэт, факультэта агранаміі- и этот человек берется судить об архитектуре?Ну насмешили!Мда, и кухарка может управлять государством, верно-верно!Ну как же тут не поверить такому авторететному мнению, ага...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31