Ганчарэнка: Мы згулялі якасна
«Сёння мы гулялі з вялікім жаданнем і імкненнем перамагчы. У каманды быў запал у вачах. Мы паказалі якасную гульню, на „ура“ правёўшы другі тайм», —заявіў галоўны трэнер футбольнага клуба БАТЭ Віктар Ганчарэнка 19 жніўня на
Ганчарэнка падкрсэліў, што каманда гуляла толькі на перамогу. Разам з тым, прадоўжыў галоўны трэнер, БАТЭ вёў у ліку 3:0 і дазволіў саперніку крыху перахапіць ініцыятыву. «Але мы не гублялі галаву, стараліся якасна абараняцца і шукаць дадатковыя магчымасці для контратак», — сказаў ён.
У матчы з «Марытыму» гульцы БАТЭ атрымалі чатыры папярэджанні (Аляхновіч, Няхайчык, Радыёнаў і Верамко). Прычым у паўторнай гульні ў Фуншале не змогуць узяць удзел галкіпер барысаўскай каманды Сяргей Верамко і паўабаронца Павел Няхайчык, якія атрымалі па другому папярэджанню ў матчах Лігі Еўропы.
Ганчарэнка лічыць, што не ўсе рашэнні ісландскага арбітра Крысціяна Якабсона адносна паказаных у матчы з «Марытыму» «жоўтых картак» былі правільнымі. Акрамя таго, на думку галоўнага трэнера, сапернік правакаваў беларускіх гульцоў.
У сваю чаргу, настаўнік «Марытыму» Мітчэл ван дэр Гааг падкрэсліў, што гуляць давялося супраць моцнай каманды. «Мы стараліся гуляць на контратаках — гэта быў наш план на гульню. У нас было некалькі галявых момантаў, але, на жаль, нам не ўдалося іх рэалізаваць. Агрэсіўная гульня БАТЭ, асабліва ў другім тайме, не стала для нас нечаканасцю», — сказаў галоўны трэнер партугальскай каманды.
Пераломны момант у гульні, на яго думку, наступіў, калі БАТЭ, а не «Марытыму» адкрыў лік у матчы. Закранаючы план на матч у адказ у партугальскім Фуншале, Мітчэл ван дэр Гааг заявіў, што яго каманда будзе адстойваць гонар клуба і «набірацца вопыту ў міжнародных спаборніцтвах у гульні з такім моцным сапернікам, як БАТЭ». «Гэта не галаслоўныя сцвярджэнні, — падкрэсліў ён. — Мы бачылі, як БАТЭ гуляе з „Капенгагенам“ і іншымі камандамі».
