Даслаць навіну
Знайсці
15.06.2010 / 15:33 16

Па вяртанні з Масквы Лукашэнка пашыхтаваў спецназ

Перад выбарамі яму ціснуць на псіхіку, палохаючы магчымай спецаперацыяй ФСБ. Піша ў сваім блогу на НН Аляксандр Класкоўскі.

Пасля няўдалых перамоў у белакаменнай беларускі кіраўнік наведаў 15 чэрвеня кадэбісцкую «Альфу». Магчыма, нарада планавалася раней, але атрымалася сімптаматычна.

Перад выбарамі Лукашэнку ціснуць на псіхіку, палохаючы магчымай спецаперацыяй ФСБ. І гэта бадай што дае эфект. Магчыма таму, што праз эпапею інтрыг за шырмай «братняй інтэграцыі» ППРБ занадта добра вывучыў норавы піцерскіх хлопцаў.

Вынікі перамоў 11 чэрвеня ўпэўненасці Лукашэнку відавочна не дадалі. Правальным аказаўся ўжо першы, разлічаны на публіку акорд — спроба пажартаваць перад камерамі на пачатку сустрэчы з Пуціным. Расійскія медыі па поўнай адцягнуліся на эпізодзе «мо’ хоць кавалак хлеба дасце».

Закулісная частка перамоў з абодвума дуумвірамі наўрад ці была болей удалай для госця. Іначай бы тутэйшая прапаганда ўжо грымела.

Карацей,

у Мінску пераацанілі магчымасць згуляць на зацікаўленасці Масквы ў Мытным звязе.

Канечне, яны зацікаўленыя, але разважаюць так: куды ён дзенецца з падводнай лодкі! Яшчэ і амбасадар Сурыкаў трохі папалохаў: вось зачынім мяжу — тады паскачаце!

Без ільготаў жа кшталту бязмытнай нафты ўсе планы пра 500 долараў накрываюцца медным тазам.

Вось ужо і пра аднаўленне супрацы з МВФ міністр Харкавец загаварыў. А то круцілі носам: абыдземся без вашых стэнд-баяў!

І ўсё болей аргументаў за тое, каб выбары зладзіць да зімы. Бо там вымалёўваюцца, як зазначае аналітык Валер Карбалевіч, дзве вайны — нафтавая ды газавая. З букетам наступстваў, якіх Лукашэнку толькі і неставала падчас электаральнай кампаніі.

Расійскія вялікадзяржаўнікі цвердзілі, што ў іх імперыі ёсць два хаўруснікі — войска ды флот. Лукашэнка па вяртанні з Масквы мо’ падсвядома згадаў пра такое апірышча, як спецназ КДБ. Лёс Бакіева, самі разумееце, не натхняе.

«Добра, што ў нас ёсць чым ваяваць», — шматзначна вырвалася з вуснаў афіцыйнага лідэра краіны, дзе кожную раніцу па ТБ гучыць «Мы, беларусы, мірныя людзі…».

Аляксандр Класкоўскі

0
Ips / адказаць
16.06.2010 / 11:32
Смотрел вчера (по БТ между прочим) новость про посещение спецподразделений и сразу мысль - ну, завтра Аляксандр Класкоўскі нам объяснит, что хотел сказать Лукашено этим шагом. :) Как вижу, я не ошибся.
0
Станкевіч / адказаць
16.06.2010 / 12:07
Ips, а Класкоўскі, пэўна, таксама глядзеў той рэпартаж на БТ і думаў, кшталту, "ну вось, заўтра ціскану навіну ў блог, яе пачытае Ірs, і ў яго адразу народзіцца думка, што заўтра Класкоўскі патлумачыць, што хацеў сказаць Лукашэнка гэтым крокам"!!!
0
2 Станкевіч / адказаць
16.06.2010 / 16:08
+1 "Я оглянулся поглядеть, не оглянулась ли она, чтоб поглядеть, не оглянулся ли я" :)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31