Вызначыліся ўсе ўдзельнікі фіналу «Еўрабачання‑2010»
На міжнародным конкурсе песні «Еўрабачанне‑2010», які праходзіць у Осла, вызначыліся ўсе ўдзельнікі фіналу.
29 мая выступяць 25 выканаўцаў: 20 пераможцаў двух паўфіналаў, прадстаўнікі чатырох краін — заснавальніц конкурсу (Іспаніі, Францыі, Германіі, Вялікабрытаніі), а таксама Нарвегіі, чыё удзельнік, ураджэнец Беларусі Аляксандр Рыбак, перамог летась.
25 мая ў першым паўфінале лепшымі сталі Боснія і Герцагавіна, Малдова, Расія, Грэцыя, Партугалія, Беларусь, Сербія, Бельгія, Албанія і Ісландыя. Не трапілі ў вырашальны раунд Латвія, Фінляндыя, Славакія, Мальта, Македонія, Польшча і Эстонія. Згодна з лёсаваннем беларускія канкурсанты, гурт «3+2», выступалі перадапошнімі.
27 мая ў другім паўфінале перамаглі Грузія, Украіна, Турцыя, Ізраіль, Ірландыя, Кіпр, Азербайджан, Румынія, Арменія і Данія. Не прайшлі Літва, Швейцарыя, Швецыя, Галандыя, Славенія, Балгарыя і Харватыя.
Гурт «3+2» і шведскі піяніст і кампазітар Роберт Уэлс выступяць у фінале пад дзевятым нумарам.
Яны пакажуць кампазіцыю Butterflies («Матылькі»), музыку да якой напісаў расійскі прадзюсер Максім Фадзееў, словы — польская паэтка Малька Чаплін.
