Знайсці
19.05.2010 / 15:561РусŁacБел

Фестываль Be Free адбудзецца 20-22 жніўня ў Чарнігаве

Вядома, што на фэсце выступяць «Крама», «Нейра Дзюбель», IQ-48. N.R.M. пакуль думае.

Вядома, што на фэсце выступяць «Крама», «Нейра Дзюбель», IQ-48. N.R.M. пакуль думае.

Арганізатары называюць тры дні для правядзення Be Free. Але канцэрты будуць праходзіць хутчэй за ўсё толькі два (пятніцу-суботу). 22 жніўня, нядзеля, разлічаны на ад’езд дадому. Змены ў раскладзе фэсту выкліканы нязручнасцю трапіць у панядзелак ранкам на працу, як адбылося летась. Апошні выступ заканчваўся а 22 гадзіне. І выехаць у гэты час да Беларусі з Чарнігава можна было толькі на ўласным аўтамабілі альбо на замоўленым аўтобусе. Таму многія ад’язджалі нашмат раней.

У бліжэйшы час стане вядомы поўны пералік беларускіх і замежных гуртоў, якія выступяць у Чарнігаве.

Рок фестываль Be Free узнік у 2007 годзе пад назвай «Права быць свабодным». У папярэднія гады ён праходзіў на захадзе Украіны — у гарадах Луцк і Львоў. Летась ён прайшоў у Чарнігаве, дзе вырашылі праводзіць яго і надалей. Удзел у ім прымалі «Ляпіс Трубецкі», «Воплі Відаплясава», «Крама», B:N, ZATOCZKA, Pomidor/OFF, Znich, Vladivostok і іншыя.

КМ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера