Беларусь збіраецца выпускаць кітайскія аўтамабілі
Адноўленыя перамовы з кітайскай кампаніяй Chery.
Адноўленыя перамовы з кітайскай кампаніяй Chery.
Пра гэта 28 красавіка на прэс‑канферэнцыі ў Мінску паведаміў начальнік галоўнага ўпраўлення прамысловасці, транспарту і сувязі Мінэканомікі Уладзімір Дзернавы.
Ён нагадаў, што яшчэ
летась распрацоўваўся бізнес‑план па стварэнні вытворчасці ў Беларусі кітайскіх легкавых аўтамабіляў. Арыенціровачны кошт праекта складаў каля 260 млн даляраў.
Аднак па просьбе кітайскага боку распрацоўка бізнес‑плана была прыпынена. »Мінулы год быў крызісным, таму распрацоўка бізнес‑плана і яго ўзгадненне не былі даведзены да завяршальнага этапу», — адзначыў Дзернавы.
Таксама, паводле яго слоў,
кітайскі бок вылучыў беларускаму боку шэраг невыканальных патрабаванняў,
у прыватнасці, па аб’ёмах інвестыцый у рэалізацыю праекта і патрабаванне, якое тычыцца гарантаваных паставак аўтамабіляў на расійскі рынак.
«Цяпер перамовы працягваюцца, але працэс крыху запаволіўся. Гэта звязана з уваходжаннем Беларусі ў Мытны саюз і няпэўнасцю з мытамі на імпартныя аўтамабілі», — сказаў Дзернавы.
У сваю чаргу,
намеснік міністра эканомікі Анатоль Філонаў нагадаў, што кампанія Chery выйграла конкурс на арганізацыю ў Беларусі вытворчасці легкавых аўтамабіляў.
«Пакуль не магу каментаваць, які гэта будзе аўтамабіль, але кітайскае аўтамабілебудаванне актыўна развіваецца. І не здзіўлюся таму, што яны будуць выціскаць еўрапейскіх вытворцаў легкавых аўтамабіляў», — адзначыў Філонаў. Акрамя таго, нагадаў ён, кітайскі вытворца легкавых аўтамабіляў Geely купіў шведскі канцэрн Volvo больш чым за 2 млрд даляраў. «Гэта таксама сведчыць аб вялікім патэнцыяле кітайскага аўтамабілебудавання», — падкрэсліў намеснік міністра.
