Даслаць навіну
Знайсці
21.04.2010 / 12:54 25

Лукашэнка з Бакіевым супраць Крамля

Вось яны, грымасы самаўладнай Беларусі: праз «салідарнасць дыктатараў» адбываецца змушанае дыстанцыяванне Мінска ад Масквы. Піша ў сваім блогу на НН Аляксандр Класкоўскі.

Лукашэнка стрымаў абяцанне: даў Бакіеву не толькі прытулак, але і трыбуну. Той заявіў, што сваёй адстаўкі не прызнае і будзе змагацца за прэзідэнцтва да смерці.

Беларускі кіраўнік раней ужо даў зразумець, што прэтэнзій часовага кіргізскага ўраду не баіцца. Але ж тут аплявуха Маскве!

Прадстаўнік Крамля Прыходзька ўжо адрэагаваў на заявы Лукашэнкі, прагучалыя ў Авальнай зале 20 красавіка. Сэнс такі: Масква сваю пазіцыю ў кіргізскіх падзеях праз выказванні кіраўнікоў суседніх краін мяняць не збіраецца.

А яшчэ Прыходзька падпусціў шпільку: маўляў, такія франдзёрскія выказванні пэўна «прадыктаваныя некаторымі асцярогамі, што ўзніклі ў кіраўніцтва шэрагу краін у сувязі з гэтым канфліктам». І параіў, каб не было фобій, «разумна займацца кіраўніцтвам уласных дзяржаваў».

Карацей,

паводзінамі ў кіргізскім сюжэце Лукашэнка ўваходзіць у клінч з Крамлём. Сённяшняя заява Бакіева аб намеры змагацца да канца яўна блытае карты Масквы (дый Штатаў, дарэчы) ў гарачым рэгіёне, падлівае алею ў агонь кіргізскага супрацьстаяння.

Самае ж пікантнае, што пад ударам апынаюцца і без таго нягеглыя постсавецкія інтэграцыйныя структуры, вылепленыя Масквой. Сапраўды, ну як сядаць за стол нейкага саміта новаму прадстаўніку Кыргызстана — і беларускаму кіраўніку, што прызнае законным прэзідэнтам Бакіева?

Для крамлёўцаў тое, што тарпедуюцца палітычныя праекты дамінавання на постсаўку, найперш АДКБ і Мытны звяз, — балючая стрэмка.
Так што варта чакаць абвастрэння палемікі, а потым — і пэўных захадаў з боку расійскага кіраўніцтва.

Фактычна Лукашэнка даў Крамлю зразумець: мяне вы так проста без солі не зжараце!

І ў гэтым сэнсе стаў нефармальным лідэрам постсаўковай аўтарытарнай лігі. Бо новая тактыка Масквы ў «зоне расійскіх інтарэсаў» пэўна ж не спадабалася і яшчэ каму-кольвек, але тыя прыкусілі языкі.

А вось надзеі Лукашэнкі зварыць кашу з Мядзведзевым на хуткай сустрэчы зараз, бадай, перакрэслены ўшчэнт. Дый ці будзе тая сустрэча ўвогуле?

Зрэшты, другі бок гэтага медаля — парадаксальнае сцвярджэнне беларускага суверэнітэту.

Вось яны, грымасы самаўладнай Беларусі: праз «салідарнасць дыктатараў» адбываецца змушанае дыстанцыяванне Мінска ад Масквы.

Аляксандр Класкоўскі

0
Мікіта / адказаць
21.04.2010 / 17:54
Спадзяюся, што такія канфлікты з Расіяй змыюць рэшткі правінцыйнасці з Незалежнай Беларусі
0
Кнехт / адказаць
21.04.2010 / 20:52
2 Мікіта Спадзяюся, што такія канфлікты з Расіяй змыюць рэшткі правінцыйнасці з Незалежнай Беларусі ==================================== Смех і грэх! "Прэзідэнта" краіны не пускаюць у цывілізаваны свет, а вы балагоніце аб "рэштках правінцыйнасці"! Беларусь сягоння - Прыватнае унітарнае прадпрыемства "Калхоз імя Лукашэнкі". Чытайце аўтара пад нікам "Кот"...
0
Кот / адказаць
22.04.2010 / 12:58
Справа плаўна ідзе да разводу і ен хоча паказаць усім, хто вінаваты ў разводзе і чаму гэтае адбылося. --- Наадварот, справа незваротна i хутка пайшла да канчатковага "аб`яднаньня", а "абвiнавачаньнi ў разводзе" патрэбныя каб па магчымасьцi падсядзець адну з галоў дуумвiрату, а з другой ужо расправiцца па факту, з дапамогай расейскiх красна-карычневых ды iмперыялiстых.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31