Галкіпер «Сан‑Паўлу» забіў 89‑ы гол у кар’еры + відэа

Галкіпер бразільскага клуба «Сан‑Паўлу» Ражэрыу працягвае ўсталёўваць дзіўныя рэкорды.

У чарговым матчы нацыянальнага першынства супраць клуба «Можы Мірым», які быў выйграны яго камандай з буйным лікам 3:0, галкіперу з пенальці ўдалося чарговы раз адправіць мяч у сетку суперніка.

Гэта быў ужо 89‑ы гол у прафесійнай кар’еры 37‑гадовага галкіпера. Апошні гол футбаліста стаў для яго чацвёртым ў гэтым сезоне.

Бразілец ужо апярэджвае такіх галкіпераў, як харызматычны парагваец Хасэ Луіс Чылаверт (56 мячоў) і калумбіец Рэне Ігуіта (52).

football.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0