Дзённы сон робіць чалавека разумнейшым
Навукоўцы Універсітэта Берклі даказалі, што дзве гадзіны сну днём робяць чалавека больш разумным.
Псіхолагі на працягу пяці гадоў даследавалі больш за тысячу пацыентаў. Тыя, хто спаў удзень, паказвалі лепшыя дасягненні ў вучобе і разумовай працы. Навукоўцы тлумачаць гэта тым, што дзённы сон больш глыбокі, чым адпачынак ноччу.
Кіраўнік даследаванняў Мэцью Уолкер кажа, што ўвечары чалавек траціць 2 гадзіны на тое, каб сапраўды заснуць, і толькі потым інфармацыя пачынае засвойваецца. Дзённы сон адразу становіцца глыбокім, і таму інфармацыя, прачытаная перад гэтым, адразу паступае ў цэнтр запамінання ў мозгу.
Псіхолаг Віктар Нябокі з Кіеўскага цэнтра здаровага сну лічыць, што дзённы сон спрыяе разумоваму развіццю дзіцяці.
«Лепш каб дзеці спалі пасля таго, як прыйдуць са школы і да таго, як пачнуць рабіць хатняе заданне. Тады дзіця лепш памятае, што вывучыла і не адчувае нагрузкі на кароткачасовую памяць», - кажа псіхолаг.
Але вучоныя лічаць, што час дзённага сну не павінен перавышаць дзве гадзіны. Бо тады мозг зусім расслабіцца і будзе цяжка потым засяродзіцца на разумовай працы.
