Даслаць навіну
Знайсці
15.11.2009 / 00:39 14

Беларусь — у Еўропу! Хто за? Хто супраць? Аднагалосна!

Пра форум у Палацы культуры МАЗа піша ў сваім блогу на НН Аляксандр Класкоўскі.

«Піпл у Беларусі яшчэ не зусім усведамляе гэту ісціну», — збіўся на англіцызм Алесь Лагвінец, перакладаючы еўрадэпутата Яцка Пратасевіча. Той казаў, што не толькі наша краіна мае патрэбу ў Еўропе, але і наадварот, і важна, маўляў, каб гэта ўсвядоміў увесь тутэйшы люд.

Агаворка перакладчыка падалася сімвалічнай. Калі я шыбаваў ад метро на імпрэзу ў Палац культуры МАЗа, то бачыў: піпл Заводскага раёна лечыць галаву ля суседняга гастранома і, бадай, найменей дбае пра еўрапейскі вектар.

На форуме называліся аптымістычныя лічбы — хтосьці казаў пра траціну, а філосаф Уладзімір Мацкевіч — нават пра 43% еўрабеларусаў. Але сам жа агаварыўся: гэтыя 43% насамрэч не аб’яднаныя нейкай супольнай ідэяй. Ды і сацыёлагі падкрэсліваюць: у значнай долі рэспандэнтаў Еўропа асацыюецца найперш з багатымі вітрынамі, а не з дэмакратычным ладам і правамі чалавека. Вось і атрымліваецца, што для многіх суайчыннікаў гэтыя каштоўнасці сапраўды эфемерныя — так называе іх афіцыйны кіраўнік.

Уладам зручна, калі грамада атамізаваная, загрузлая ў клопатах пра асабістае выжыванне. Кіроўная вярхоўка рэфрэнам дзяўбе, што хоча ладзіць гешэфты з Бруселем «без пасярэднікаў».

Паводле задумы ініцыятараў, Беларускі еўрапейскі форум мусіў стаць сігналам і ўладам, і Еўразвязу: вось мы, згуртаваныя свядомыя грамадзяне, якія не хочуць быць назіральнікамі працэсу! Не радыкалы, каторым чым горай, тым лепей, але і не статысты.

Добра, што Беларусь улучылі ва «Усходняе партнёрства», аднак сапраўдная еўраінтэграцыя немагчымая без карэнных дэмакратычных змен унутры краіны, прыспешыць якія мы і патрабуем ад свайго ўраду. Такая вось, калі сваімі словамі, сутнасць выніковай рэзалюцыі форуму, прынятай без асаблівых дыскусій.

Калі коратка, то арганізатары зладзілі дыхтоўнае палітычнае шоў. Усё прадумана, акуратна, стылёва. Відэазвароты ад статусных еўрапейскіх палітыкаў, абойма знакамітых ганаровых гасцей… Нават на ўзроўні атрыбутыкі, тэхнічнага забеспячэння — буклеты на добрай паперы, кампакт-дыскі з матэрыяламі, відэаэкран і ўсё такое — павявала не андэграундам, а гэтакай, ведаеце, сістэмнай рэспектабельнасцю.

Імпрэза нагадала мне бачанае пры канцы верасня ў Берліне перадвыбарнае мерапрыемства ХДС з Ангелай Меркель у галоўнай ролі. Тут, натуральна, адпаведная роля была наканавана Аляксандру Мілінкевічу (так што хоць і націскалі вербальна на грамадзянскую супольнасць, палітыка усё адно вылазіла).

Партыя Меркель неўзабаве перамагла, і яна зноў стала канцлеркай. Лідэр Руху «За свабоду» на форуме ў Палацы культуры МАЗа фактычна даў старт сваёй перадвыбарнай кампаніі. Агучыў некаторыя праграмныя тэзы. Зрабіў, як і належыць любому палітыку, каскад бадзёрых заяў. Трэба думаць, зрабіў уражанне на замежнікаў арганізацыяй і масавасцю імпрэзы.

Але што можна казаць пра шанцы Мілінкевіча, як і любой апазіцыйнай фігуры, у краіне, дзе палітычная сістэма строга заточаная пад аднаго чалавека? Тут вам не Германія. Тут апазіцыя — для дэкарацыі.

Пры жорсткім аўтарытарным рэжыме электаральную сітуацыю можа пахіснуць ціск вуліцы. Але ў нас на сёння крызіс генеруе ў паспалітага люду не рэвалюцыйны дух, а настрой на самавыжыванне. Глуха як у танку.

Зрэшты, нядобразычліўцы экс-адзінага апазіцыйнага кандыдата акурат і дзяўбуць, што той апрыёры згодны быць спарынг-партнёрамсамі-ведаеце-каго. «Пэўныя сайты вырашылі, што калі няма канфрантацыі, то няма і сэнсу ў такім форуме», — дыпламатычна абмаляваў калізію шведскі амбасадар Стэфан Эрыксан. Праўда, калі трохі пазней на трыбуну выйшаў пасіянарны Севярынец, то тыя сайты адпачывалі. Бязбожнаму рэжыму папала па поўнай праграме.

Увогуле ж асаблівай інтрыгі, драматургіі на форуме чакаць і не варта было. Вакол чаго ламаць дзіды? Адзінага (ва ўсякім разе фармальна) тут не выбіралі, а за еўрапейскі выбар — усе аднагалосна.

Хіба што Мікола Статкевіч, палітычны канкурэнт Мілінкевіча ў еўранішы, спрабаваў падчапіць арганізатараў: маўляў, добра што падхапілі тэзы, вылучаныя шэсць гадоў таму нашай «Еўрапейскай кааліцыяй»! (Ягоны выступ, дарэчы, стаў сімптомам: апафеоз унутрыапазіцыйнага высвятлення стасункаў яшчэ наперадзе.)

Ну і калі прымаліся выніковыя дакументы, дык Зміцер Дашкевіч, лідэр «Маладога фронту», трохі дадаў у рэзалюцыю перцу: дамогся, каб улучылі патрабаванне да ўладаў вызваліць палітвязняў.

Зразумела, аднак, што як ні адточвай фармулёўкі, яны застануцца слоўнымі экзэрсісамі, калі няма механізмаў увасаблення праграмы. Улада ж сказала выразна: абыдземся без пасярэднікаў!

Яцэк Пратасевіч, кіраўнік дэлегацыі Еўрапарламента па сувязях з Беларуссю, у размове з журналістамі сказаў, што тэстам для тутэйшага кіраўніцтва стануць мясцовыя выбары. Ваш пакорлівы слуга нагадаў яму: летась перад парламенцкімі выбарамі Еўропа таксама цвердзіла пра тэст, а ў выніку пракаўтнула «стэрыльную» Палату. Ці не выглядае, што сёння Еўразвяз стаў закладнікам сваёй мяккай лініі ў дачыненні да беларускіх уладаў?

З адказу вынікала, што еўрадэпутат не верыць ў цудоўную перакоўку Лукашэнкі («ён наўрад ці памяняе сваю палітычную філасофію»). Але Пратасевіч мяркуе, што патрэба ў заходніх грашах змусіць рэжым да пэўнай гнуткасці, саступак.

Астатняе для беларусаў сёння ўвасабляецца ў расплывістай фармулёўцы «акно магчымасцяў». Пра гэта дыскутуе кола пасіянараў, але ж піпл не надта зазіраецца ў тое акно. І калі ўлада кажа, што абыдзецца без пасярэднікаў, гэта азначае, што народ яна проста не бярэ ў разлік.

Зрэшты, той самы Яцэк Пратасевіч, былы бунтар-антыкамуніст, нагадаў: «Берлінскі мур таксама разбурылі звычайныя людзі».

Аляксандр Класкоўскі.

0
2 Димичы Первому / адказаць
15.11.2009 / 21:31
вот иногда говоришь дело. Вернее - часто говоришь по делу. Но иногда рассуждаешь как пэтэушник, который готов зачмырить любого, кто книги читает и просит не курить в лифте. Кто больше в жизни понял - жизнь покажет. С чего тут подтрунивать? Рано или поздно куда-нибудь да попрём, не стоит ждать массовых вешаний. Вопрос куда. А скептики как и нытики не переведутся. Вопрос выбора европейского вектора меня ничем не смущают. Другое дело, критика предпринимаемых действий. Тут критикуйте. Без гастрономических изысков.
0
Tatiana / адказаць
17.11.2009 / 02:30
Интересная беседа новой буржуазии Беларуси включая господина Класковского. Проблема в том, что буржуазной прослойки мало, а пролетариата, крестьян и бедных людей много. Некоторые бедные люди живут бедно и достойно и работают тяжело, а некоторые деградируют и это не деградация людей, а деградация общества. Свободный рынок жесток и невидимая рука не касается и не движет людей, у которых нет работы или просто есть символичная работа и нет возможностей найти работу. В Беларуси идет расслоение и нарастает бедность и бедные не будут голосовать - им нужно искать еду и кормить детей и справлятся с алкоголизмом. То, чего хочет ограниченный малочисленный средний класс, не раздлеляет беднота и крестьяне - можете их поливать и ругать и обзывать пиплзами. Помоему все оттуда вышли - пролетарские, колхозные а уже забыли. Быстро. Интеллегенция и малочисленная буржуазия в Беларуси преследует только свои буржуазные интересы а не интересы народа.Так везде - мировой закон классового общества. Я просмотрела все программы партий и там нет ни одного слова о социальных или экономическмх решениях - все об идеальном устройстве и принципах - как у Салтыкова Щедрина. Некоторые партии предлагают платную медицину! даже не зная что это такое и какие последствия и для кого это доступно. Это и есть основная проблема Беларуси и многих постсоветских стран - проблема молодой растущей и эгоистичной буржуазии и проблема пиплз - народа и бедности. Что ему делать в условиях свобоного рынка и кто об этом думает при диктатуре или при возможной дикой коррупмированной демократии. Я - не социалист и не коммунист и не живу в Беларуси но я - против БЕДНОСТИ. Если оппозиция понимает и уважает народ ,то это должна быть программа номер один - спасать людей от бедности не Европой не Россией не грантами а разработкой программ и работой с людьми которые не пиплзы а просто беларуские граждане. Специально Классковскому - почитайте декларацию о правах пиплз - это не просто право голосоватьи участвовать в партиях.
0
Станкевич / адказаць
18.11.2009 / 13:35
Это что, все впечатления от намвины? Маловато как-то внимания уделяет НН тов. Милинкевичу! Такое событие состоялось, но отголосков от него - пшик. А я то думал, что бурлить начнёт даже самая глухая деревня, а в итоге - тишина гробовая...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30