Даслаць навіну
Знайсці
15.10.2009 / 16:53 32

Паварот Лукашэнкі, або Мова Колі

Тэлеканалы паказалі рэпартажы пра тое, як перапіс прайшоў у рэзідэнцыі Дразды. Дзяржаўныя СМІ акцэнтавалі ўвагу на пунктах, якія тычыліся мовы. Каментуе Барыс Тумар.

Тэлеканалы паказалі рэпартажы пра тое, як перапіс прайшоў у рэзідэнцыі Дразды. Дзяржаўныя СМІ акцэнтавалі ўвагу на пунктах, якія тычыліся мовы:

«— Ваша родная мова?

— Беларуская. (Пасля паўзы.) Беларуская, расейская мова. Для мяне аднолькавыя дзве мовы.

— На якой мове Вы звычайна размаўляеце дома?

— А па-рознаму — ад беларускай да расейскай. І на трасянцы таксама».

Лукашэнка, вялікі майстар выкручвацца, і тут знайшоў формулу, каб не шакаваць выміраючую частку свайго электарату — прасавецкую, прарасійскую.

Акурат моўныя пункты выклікалі найбольшую грамадскую дыскусію напярэдадні перапісу. Сваімі адказамі Лукашэнка фактычна падтрымаў статус беларускай мовы як роднай і хатняй, наколькі мог у сваім амллуа і дадзенай палітычнай сітуацыі.

Адказы Лукашэнкі на перапісе пацвердзілі, што нясмелы паварот да беларускай культуры сапраўды адбываецца, пакуль на сімвалічным, а не практычным узроўні.

Захад змяніў стаўленне да Лукашэнкі, як толькі кіраўнік Беларусі канчаткова змяніў стаўленне да незалежнасці Беларусі. Лукашэнка перастаў уяўляць пагрозу для незалежнасці Беларусі, і яго пакінулі ў спакоі. Гэта на ўзроўні міжнароднай палітыкі.

Унутры краіны адной з першапрычын канфлікту Лукашэнкі з незалежным грамадствам была пагроза нацыянальнай культуры, якую той нёс. І незалежнае грамадства выкарыстала ўсе свае магчымасці, каб паставіць «праблему Лукашэнкі» на міжнародным узроўні. Знікненне такой пагрозы дакарэнна зменіць умовы палітычнай гульні ў краіне. Кансэнсусу стане больш, канфліктных зонаў — менш.

Cujus regio, ejus lingua. Чыя ўлада, таго і мова. Так можна перафразаваць вядомую прымаўку часоў Рэфармацыі ў пераламленні на цяперашнюю сітуацыю ў Цэнтральнай Еўропе. Дык вось, культурная палітыка ў краіне пры Лукашэнку будзе вырашаная тым, на якой мове пойдзе вучыцца Коля — на беларускай ці на расейскай. Калі ў школе каля Драздоў адкрыецца беларускі клас, такія адкрыюцца ва ўсёй краіне.

Рана раздаваць авансы. Пачакаем 1 верасня 2010 года.

Барыс Тумар

0
Моисей Абрамович / адказаць
17.10.2009 / 16:07
Да беларускай мовы ў краіне негатыўнае стаўленьне ў большасьці народа. Гэта факт смотря в каком контексте: если человек постоянно разговаривает на мове - то это вопринимается нормально. сначала, нередко, считают чудаком, однакo, узнав поближе, именно как личность, отношение меняется, и человека ценят уже по личностным качествам, а не по языку общения. если же кто-то с порога ни здасте, ни досвиданья, начинает гнать пропаганду с позиции "я умнее всех, я всё знаю и понимаю, а вы все дурны лихтарат, слухай сюды", то тогда, конечно, неприятие полнейшее, и к этому неприятию добавляется автоматически всё, что ассоциируется с этим человеком, в т.ч. и белорусский язык. так что сама мова никаких рефлексий не вызывает, проблема в личностных качествах ее носителей.
0
Трызна / адказаць
17.10.2009 / 20:24
Чакаць прыйдзецца больш, да выпісваньня з "Навінак"
0
klv / адказаць
17.10.2009 / 21:07
Абрамович, а вы асацыюецеся з Рыгоравічам. І што?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31