Знайсці
25.06.2021 / 11:18РусŁacБел

«Пасля вераломнай сумеснай атакі 22 чэрвеня з боку восі ЕС, ЗША, Брытаніі на беларусаў»: заява МЗС наконт новых санкцый

Міністэрства замежных спраў пракаментавала ўвядзенне новых эканамічных санкцый супраць афіцыйнага Мінска, якія былі прынятыя ўчора, 24 чэрвеня.

Прыводзім тэкст заявы.

«Пасля вераломнай сумеснай атакі 22 чэрвеня 2021 г. з боку восі ЕС, ЗША, Вялікабрытаніі і Канады на беларусаў, на працоўныя калектывы нашых прадпрыемстваў, бізнэсменаў, журналістаў, а таксама дэпутатаў толькі за тое, што яны выказваюць уласнае меркаванне, было цалкам зразумела, што будзе зроблена новая дарэмная спроба паступова душыць нашых грамадзян», — гаворыцца ў заяве.

«Выступаючы нібыта ў падтрымку свабоды самавыяўлення, Еўрасаюз выпальвае ўсё, што не ўпісваецца ў еўропацэнтрычную карціну свету. Напэўна, гэта і ёсць сутнасць іх дэмакратыі.

Пры гэтым дадзеныя краіны ўжо нават не спрабуюць шукаць ці «прыцягваць за вушы» хоць бы нейкія міжнародна-прававыя падставы і для тлумачэння такіх дзеянняў. Бо іх няма. Ёсць толькі мэта — раскласці і падарваць суверэнную і незалежную дзяржаву, якая праводзіць самастойную знешнюю і ўнутраную палітыку на аснове рэальных інтарэсаў беларускага народа. Рашэнні прынятыя настолькі паспешліва і нематывавана, што кіраўніцтва краін ЕС нават не палічыла патрэбным дачакацца хаця б заключэння ІКАО.

Ужо цалкам відавочна, што ў імкненні задаволіць свае амбіцыі за кошт нашай адносна невялікай краіны велізарны Еўрапейскі Саюз зусім не цікавіць меркаванне мільёнаў беларускіх працоўных, работнікаў прафсаюзаў, палітычных партый і грамадскіх аб'яднанняў, якія выказалі сваё дакладнае і адназначнае непрыманне адыёзнай санкцыйнай палітыкі ЕС.

Еўрапейскія лідэры не хочуць чуць гэтыя галасы таксама, як не хочуць чуць і галасы ўласных грамадзян і суб'ектаў гаспадарання, шэраг з якіх ужо знаходзяцца на парозе спусташэння з-за такой палітыкі свайго кіраўніцтва. Не выпадкова нават аўтарытэтныя даследаванні грамадскай думкі «EuroTrack» брытанскай кампаніі «YouGov» паказваюць катастрафічна нізкія рэйтынгі даверу да ўрадаў у цэлым шэрагу краін ЕС, у тым ліку ў Германіі — 31%, у Францыі — 23%, у Швецыі — 30%.

Беларусь спрабуюць павучаць і атакаваць палітыкі, якія не маюць падтрымкі нават у свайго ўласнага народа. Беларусь не збіраецца моўчкі за гэтым назіраць. У бліжэйшыя тыдні паступова будуць запушчаны ў дзеянне меры ў адказ, аб якіх мы неаднаразова заяўлялі.

Еўрапейскім палітыкам даўно пара ўразумець: ціск і санкцыі — гэта не тая мова, на якой варта размаўляць з Беларуссю. Пры гэтым мы застаёмся адкрытымі для раўнапраўнага дыялогу і ўзаемавыгаднага супрацоўніцтва з тымі, хто бачыць у Беларусі партнёра, а не аб'ект для геапалітычных дамаганняў і эксперыментаў», — адзначае МЗС.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера