У СК распавялі, у чым вінавацяць адміністратара тэлеграм-канала «Белыя халаты».
Завершана расследаванне крымінальнай справы ў дачыненні да адміністратара тэлеграм-канала «Белыя халаты». 21-гадовага студэнта 4-га курса БДМУ затрымалі ў лістападзе.
Скрыншот СК
Па версіі следства, студэнт у жніўні 2020 года стварыў тэлеграм-канал «Белыя халаты».
«Мэтай рэсурсу з'яўлялася ўздзеянне на свядомасць і волю работнікаў аховы здароўя і медыцыны Рэспублікі Беларусь, а таксама навучэнцаў і выкладчыкаў медыцынскіх устаноў адукацыі краіны», — паведамляе СК у сваім тэлеграм-канале.
«Пры гэтым свае злачынныя дзеянні фігурант здзяйсняў з карыслівых меркаванняў, абумоўленых імкненнем атрымаць матэрыяльную выгаду», зазначае СК.
Дзеянні кваліфікаваныя па ч. 3 арт. 361 (распаўсюджванне матэрыялаў, якія змяшчаюць заклікі да здзяйснення дзеянняў, накіраваных на прычыненне шкоды нацыянальнай бяспецы РБ, з выкарыстаннем сеткі Інтэрнэт) КК РБ, гэта караецца зняволеннем да пяці гадоў.
Матэрыялы перададзеныя пракурору для накіравання ў суд.
